ខេត្តស្ទឹងត្រែង ៖ តាចាស់អាយុ៦៦ឆ្នាំម្នាក់ត្រូវកម្លាំងនគរបាលព្រហ្មទណ្ឌកម្រិតធ្ងន់ឃាត់ខ្លួន និងនាំមកកាន់ស្នងការដ្ឋានគរបាលខេត្ត តាមពាក្យបណ្តឹងចោទប្រកាន់ពីសំណាក់កូនស្រីវ័យ៧ឆ្នាំ ពីបទរំលោភសេពសន្ថវៈ ។ នគរបាលបានឃាត់ខ្លួនជនសង្ស័យនៅវេលាម៉ោង១០និង៣០នាទីយប់ថ្ងៃទី២ សីហា នៅភូមិបាចុង សង្កាត់ព្រះបាទ ក្រុងស្ទឹងត្រែង ។
ប្រភពព័ត៌មានបានរំលឹកពីប្រវត្តិដើមឱ្យដឹងថា កាលពី៧ឆ្នាំមុនស្ត្រីវ័យចំណាស់ដែលត្រូវជាប្រពន្ធក្រោយរបស់តាចាស់នេះ និងត្រូវជាជីដូនចៅស្រីរងគ្រោះ មានកូនស្រីមេម៉ាយម្នាក់វ័យ១៨ឆ្នាំ នៅក្នុងបន្ទុក ត្រូវបានតារូបនេះសុំស្នេហា។ ដោយសារគាត់ជាស្ត្រីមេម៉ាយផងនោះ ក៏សម្រេចទទួលយកធ្វើជាប្តី ។
ពេលមួយនោះខណៈប្រពន្ធមិននៅផ្ទះនិងទុកកូនស្រីវ័យ១៨ឆ្នាំត្រូវជាកូនប្តីដើមនៅជាមួយប្តីក្រោយ ពេលឃើញឱកាសល្អឪពុកចុងបានចាប់រំលោភសេពសន្ថវៈបានសម្រេច ។ ចាប់ពីពេលនោះមកកូនស្រីក្រមុំអាយុ១៨ឆ្នាំ បានចាប់ផ្តើមមានផ្ទៃពោះមិនយូរប៉ុន្មាននាងក៏សម្រាលបានកូនស្រី១។ នៅគ្រានោះបើទោះបីជាម្តាយនាងប្រឹងជជីកសួររកឪពុកក្មេងស្រីនេះយ៉ាងណា ក៏នាងជាកូនមិនព្រមទម្លាយឱ្យដឹងដែរ ។ ក្រោយពីបានសម្រាលកូនស្រីមួយនេះបានរឹងដៃរឹងជើងហើយ កូនស្រីនោះបានទុកកូននេះឱ្យនៅជាមួយម្តាយ និងឪពុកចុងដែលចាប់រំលោភជាអ្នកមើលថែ ហើយនាងបានចាកចេញពីផ្ទះបាត់ស្រមោល ។ ប៉ុន្មានឆ្នាំក្រោយមកនាងបានវិលត្រឡប់ចូលផ្ទះវិញ ថែមទាំងពកូនស្រីម្នាក់ទៀតមកជាមួយផង ។
ក្រោយមកនាងជាកូនក៏បានចាកចេញពីផ្ទះម្តងទៀត ដោយទុកកូនស្រីទាំងពីរនាក់ឱ្យម្តាយជាអ្នកចិញ្ចឹម ហើយសព្វថ្ងៃនេះ កូនស្រីរបស់នាងទាំងពីរម្នាក់អាយុ៧ឆ្នាំ និងកូនស្រីប្អូនមានអាយុ២ឆ្នាំ ដែលត្រូវជាកូននិងចៅ និងជាជនរងគ្រោះពីការចាប់រំលោភសេពសន្ថវៈពីសំណាក់តាចាស់ល្មោភកាមរូបនេះទៀត ។ លោកវរសេនីយ៍ត្រីដួង ស៊ីវុត្ថា នាយការិយាល័យនគរបាលព្រហ្មទណ្ឌកម្រិតធ្ងន់ខេត្ត បានប្រាប់ឱ្យដឹងថា តាចាស់ល្មោភកាមឈ្មោះអឹុម សុភិន អាយុ៦៦ឆ្នាំ មានទីលំនៅភូមិអូរឫស្សី ឃុំអូរឫស្សី ស្រុកចិត្របុរី ខេត្តក្រចេះ បច្ចុប្បន្នរស់នៅភូមិបានចុង សង្កាត់ព្រះបាទ ក្រុងស្ទឹងត្រែង ។
លោកដួង ស៊ីវុត្ថា បានបន្តទៀតថា បើតាមការរៀបរាប់ឱ្យដឹងពីកុមារីរងគ្រោះជាបងគឺនៅថ្ងៃខែមិនចាំ ឆ្នាំ២០១២ វេលាយប់ជ្រៅ ឪពុករបស់នាងបានចាប់នាងឱប និងបានយកម្រាមដៃរបស់គាត់បៀតបៀនប្រដាប់ភេទរបស់នាងយ៉ាងយូរ ។ មិនតែប៉ុណ្ណោះថែមទាំងបានធ្វើបាបប្អូនស្រីអាយុ២ឆ្នាំ របស់នាងដូចធ្វើបាបនាងដែរឱ្យរងនូវការឈឺចាប់លើប្រដាប់ភេទ ។ ខណៈនោះប្អូនស្រីនាងបានស្រែកយំយ៉ាងខ្លាំង ចំណែកឪពុករបស់នាង (នាងហៅថាតាភិន)បានវាយនាងបន្ថែមគំរាមមិនឱ្យយំ ។ នាងជាកូនច្បងបានបញ្ជាក់ប្រាប់សមត្ថកិច្ចទៀតថា តាភិនបានធ្វើបាបមកលើរូបនាងនិងប្អូនស្រីចំនួន៤លើកមកហើយ នាងមិនដែលហ៊ានប្រាប់យាយ ឬមីងមាឱ្យដឹងឡើយ ។
ចំណែកតាអ៊ឹម សុភិន ជាជនសង្ស័យក្នុងអំពើដ៏ឃោរឃៅ និងថោកទាបនេះវិញរហូតមកទល់រសៀលថ្ងៃទី៣ សីហា នគរបាលជំនាញមិនទាន់ទទួលបានចម្លើយសារភាពនៅឡើយទេ ព្រោះគាត់ធ្វើពុតជាឈឺមិនព្រមឱ្យកម្លាំងជំនាញធ្វើការសាកសួរឡើយ៕
ចែករំលែកព័តមាននេះ