យន្តហោះដឹកអ្នកដំណើរមួយគ្រឿងរបស់ក្រុមហ៊ុនអាកាសចរណ៍ យូណាយធីត អែ៊រឡាញ ត្រូវបក្សីមួយក្បាលហើរបុកក្បាល ខណៈកំពុងចុះចតនៅឯអាកាសយានដ្ឋានក្រុងដេនវើ កាលពីថ្ងៃទី១ សីហា ប៉ុន្តែសំណាងល្អដែលយន្តហោះអាចចុះចតបានដោយសុវត្ថិភាព ។
អ្នកឯកទេសផ្នែកហោះហើរបានបញ្ជាក់ថា ក្បាលយន្តហោះជាផ្នែកដ៏ងាយស្រួលដែលបក្សីអាចហើរបុក ព្រោះបរិវេណនោះគ្មានម៉ាស៊ីន និងបក្សីដែលបុកអាចជាក្ងាន ឬទា ។ កន្លងមកមានសត្វបុកយន្តហោះកើតឡើងជារឿយៗ ។ មានករណីនេះ ១៧៩៣លើក ក្នុងឆ្នាំ១៩៩០ កើនដល់៩.៦២២លើក ក្នុងឆ្នាំ២០១០ ។ បក្សីប្រហែល ៩៧,៥% និង៧០% នៃហេតុការណ៍ហើរបុកយន្តហោះកើតឡើងនៅលើលំហ ក្នុងកម្រិតមិនដល់១៥០ម៉ែត្រ។
មានការប៉ាន់ប្រមាណថា ការហើរបុកទាំងនេះ បង្កការខូចខាតក្នុងតម្លៃប្រហែល៦០០លានដុល្លារ និងមានអ្នកស្លាប់ជាង២១៩នាក់ នៅទូទាំងពិភពលោក ដែលបង្កឡើងដោយបក្សីហើរបុកយន្តហោះចាប់តាំងពីឆ្នាំ១៩៨៨ មក ៕
ចែករំលែកព័តមាននេះ