ក្រុមហ៊ុនស៊ុយដូបាស៊ី ហេវវី អ៊ីនដាស្ទ្រី របស់ប្រទេសជប៉ុន បានផលិតមនុស្សយន្តដំឡើងដោយឧបករណ៍ស្វ័យប្រវត្តិ ដោយមានកាំភ្លើងអាចបាញ់គ្រាប់ប៊ីប៊ី បានជាង៦.៦០០គ្រាប់ក្នុងមួយនាទី និងប្រព័ន្ធបញ្ជាដំណើរការដោយទូរស័ព្ទអាយហ្វូន។របាយការណ៍បញ្ជាក់ថា មនុស្សយន្តនេះមានកម្ពស់១៣ហ៊្វុត ឬ៣,៩ម៉ែត្រ អាចបញ្ជាបានជាច្រើនប្រព័ន្ធ រួមទាំងប្រព័ន្ធបញ្ជានៅផ្នែកខាងក្រៅពីទូរស័ព្ទអាយហ្វូន ដោយប្រើសញ្ញា៣G ឱ្យមនុស្សយន្តមានចលនា និងបាញ់គ្រាប់ប៊ីប៊ីបាន ។
ក្រៅពីនេះមនុស្សយន្តនោះនឹងមានលក្ខណៈងាយស្រួលក្នុងការធ្វើចលនា ព្រោះមានជើងភ្ជាប់ដោយកង់ចំនួន៤ ធ្វើចលនាក្នុងល្បឿនលឿនដល់ទៅ៦,៥ម៉ៃ ឬ១០គីឡូម៉ែត្រក្នុងមួយម៉ោង ។មនុស្សយន្តនោះ បានបង្កើតកាលពីឆ្នាំ២០១០ និងលក់ក្នុងតម្លៃប្រហែល៩០០.០០០ផោន ក្នុងមួយគ្រឿង ៕
ចែករំលែកព័តមាននេះ