AFP ផ្សាយឱ្យដឹងថា ដុនណា (Donna) អាយុវែងបំផុតនៅលើពិភពលោក បានងាប់កាលពីថ្ងៃទី១ សីហា ដោយមានអាយុ៦២ឆ្នាំ ។ ដុនណា ជាសត្វរស់នៅក្នុងឧទ្យានសត្វម៉េសហ្គ័រ ផាក អ៊ែន បូដានិក ហ្គារ៍ដេន នៅទីក្រុងអីុវ៉េនស្វ៊ីល រដ្ឋឥណ្ឌាណា សហរដ្ឋអាមេរិក។
លោកអាម៉ូស ម័ររីស នាយកឧទ្យានសត្វបានបញ្ជាក់នៅក្នុងសេចក្តីថ្លែងការណ៍កាលពីថ្ងៃទី១ សីហា ថា «យើងមានការសោកស្តាយយ៉ាងក្រៃលែងដែលប្រកាសថា ដុនណា ជាដំរីដែលស្ថិតក្រោមការថែទាំរបស់មនុស្ស និងមានអាយុវែងបំផុតនៅលើពិភពលោក ប៉ុន្តែវាបានងាប់កាលពីព្រឹកថ្ងៃទី១ សីហា ដោយសារមានជំងឺរលាកសន្លាក់ធ្ងន់»។
ដុនណា បានចាប់កំណើតនៅឧទ្យានសត្វមេមហ្វ៊ីល កាលពីឆ្នា១៩៥១ និងត្រូវផ្លាស់ទៅរស់នៅឯសួនសត្វម៉េសហ្គ័រផាក កាលពីថ្ងៃទី៧ សីហា ១៩៥៦ ។ វាបានផ្តល់កំណើតឱ្យកូនចំនួន៨ក្បាល និងរស់នៅក្នុងសួនសត្វនោះក្នុងរយៈពេលយូរ ។ ជាធម្មតាដំរីទឹក មានអាយុមិនលើសពី៤០ឆ្នាំទេ ក្នុងពេលរស់នៅជាលក្ខណៈធម្មជាតិ និងមិនលើសពី៥០ឆ្នាំ ប្រសិនបើស្ថិតក្រោមការថែរក្សារបស់មនុស្ស ។
ចែករំលែកព័តមាននេះ