រាជធានីភ្នំពេញ ៖ យុវជនម្នាក់ឈ្មោះ យុ រដ្ឋា អាយុ២០ឆ្នាំ មានទីលំនៅសង្កាត់ជ្រោយចង្វា ខណ្ឌឬស្សីកែវ ត្រូវបានក្រុមគ្រួសារអះ អាងថា មានជំងឺសរសៃប្រសាទ បានលួចរត់ចេញពីផ្ទះមកលោតទឹកសម្លាប់ខ្លួននៅស្ពានព្រះមុនីវង្សចាស់ ស្ថិតក្នុងសង្កាត់ច្បារអំពៅទី២ ខណ្ឌមានជ័យ កាលពីវេលាម៉ោង១០និង១៥នាទីយប់ថ្ងៃទី២ សីហា ២០១២ បណ្តាលឱ្យលិចចូលទៅក្នុងទឹកទន្លេបាសាក់បាត់ រហូតដល់រសៀលថ្ងៃទី៣ សីហា នៅពុំទាន់ឃើញសពអណ្តែតឡើង ។
តាមប្រភពព័ត៌មានពីសមត្ថកិច្ចនគរបាលឈរជើងការពារស្ពានព្រះមុនីវង្សឱ្យដឹងថា នៅវេលាម៉ោងខាងលើ ពិតជាមានមនុស្សលោតទឹកសម្លាប់ខ្លួនប្រាកដមែន ។ ចំពោះសកម្មភាពលោតគឺពុំមាននរណាឃើញទាន់ឡើយ ហេតុដូច្នេះទើបពុំអាចជួយចាប់ឃាត់ជាប់ ។ សមត្ថកិច្ចបន្តថា យុវជនរងគ្រោះបានដើរលើស្ពានព្រះមុនីវង្សចាស់ឆ្លងពីលិចទៅកើត លុះដល់ចុងខាងកើតក៏លោតទម្លាក់ខ្លួនចូលទៅក្នុងទឹកបាត់តែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ