ខេត្តពោធិ៍សាត់ ៖ បុរសជនជាតិបរទេសម្នាក់បានស្លាប់យ៉ាងអាណោចអាធ័ម ដោយត្រូវរថយន្តមិនស្គាល់ម៉ាកបុកខណៈពេលចុះពីលើរថយន្តក្រុងឈររេរាលើថ្នល់ ។ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១២និង៥០នាទីរំលងអធ្រាត្រឈានចូលថ្ងៃទី២ សីហា ២០១២ នៅលើកំណាត់ផ្លូវជាតិលេខ៥ ត្រង់ចំណុចហាងបាយ ស្ថិតក្នុងភូមិមាន់ចែ សង្កាត់ព្រៃញ៉ី ក្រុងពោធិ៍សាត់ ។
លោកវរសេនីយ៍ត្រី រស់ ចំរើន នាយការិយាល័យនគរបាលចរាចរផ្លូវគោកនៃស្នងការដ្ឋាននគរបាលខេត្តពោធិ៍សាត់ឱ្យដឹងថា ជនរងគ្រោះដែលត្រូវរថយន្តមិនស្គាល់ម៉ាកបុកស្លាប់ភ្លាមៗនៅនឹងកន្លែងនោះឈ្មោះ ABDEL KANDER BECHAM ភេទប្រុស អាយុ៤០ឆ្នាំ សញ្ជាតិអាល់ហ្សេរី មានលិខិតបញ្ជាក់វិញ្ញាបនប័ត្របណ្តោះអាសន្នសម្រាប់ជនភៀសខ្លួនរបស់អង្គការ UNHCR ចុះថ្ងៃទី៣ មេសា ២០១២ ។ ស្នាក់នៅបណ្តោះអាសន្នក្នុងភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ