ខ្យល់បោកបក់ខ្លាំងក៏ដូចជាភ្លៀងធ្លាក់ខ្លាំងដែរបានវាយប្រហារលើតំបន់ឆ្នេរសមុទ្រទាំងឡាយនាភាគខាងកើតប្រទេសចិន ខណៈដែលព្យុះ២បោកបក់មកដល់ដែនដីចន្លោះថ្ងៃទី២សីហាមកព្រឹកថ្ងៃទី៣សីហាតម្រូវឱ្យជម្លៀសមនុស្សចេញជាង៣០០.០០០នាក់ ។
ព្យុះត្រូពីកាល់យ៉ាងខ្លាំងឈ្មោះសាវឡា SAOLA ដែលចុះថមថយកម្លាំងបានវាយប្រហារនាថ្ងៃទី៣សីហាវេលាម៉ោង៦និង៥០នាទីព្រឹកលើក្រុងហ្វូឌីញ ខេត្តហ្វូជាយជាមួយល្បឿនខ្យល់២៥ម៉ែត្រ ក្នុង១វិនាទី ។ យោងតាមមជ្ឈមណ្ឌលឧតុនិយមខេត្តនោះថា ព្យុះសាវឡា ត្រូវបោកបក់ឆ្ពោះទៅភាគពាយ័ព្យក្នុងល្បឿនពី១៥ទៅ២០គ.ម ក្នុងមួួយម៉ោងដោយបង្កឱ្យមានភ្លៀងធ្លាក់ខ្លាំងនៅភាគខាងជើងខេត្តហ្វូជាន និងក្នុងខេត្តជាំងស៊ី ។
ខណៈដែលព្យុះសាវឡាវាយប្រហារលើតំបន់ឆ្នេរសមុទ្រភាគអាគ្នេយ៍ប្រទេស ព្យុះមួយទៀតឈ្មោះដំរី DAMREY ជាព្យុះទី១០ ប្រចាំឆ្នាំ កាលពីថ្ងៃទី២សីហា វេលាម៉ោង២១និង៣០នាទី បោកបក់មកដល់ស្រុកXIANG-HUI ខេត្តជាំងស៊ូ ។ ព្យុះនេះនាព្រឹកថ្ងៃទី៣ សីហា បង្កឱ្យភ្លៀងធ្លាក់ខ្លាំងនៅជាំងស៊ូ និងក្នុងតំបន់ឆ្នេរសមុទ្រខាងត្បូងនៃខេត្តសានដុងជាមួយនឹងភ្លៀងធ្លាក់មានកម្ពស់ទឹក១៧៤មីល្លីម៉ែត្រ ក្នុងទីក្រុងរីហ្សាវខេត្តសានដុង។
ខ្យល់ព្យុះដំរីកំពុងបោកបក់ឆ្ពោះទៅភាគពាយ័ព្យក្នុងល្បឿន២៥គ.ម ក្នុងមួយម៉ោង៕
ចែករំលែកព័តមាននេះ