រាជធានីភ្នំពេញ ៖ បុរសចំនួន៦នាក់ត្រូវបានប៉ូលិសខណ្ឌសែនសុខ ឃាត់ខ្លួនជាមួយនឹងថ្នាំញៀនប្រភេទម៉ាទឹកកកចំនួន៣កញ្ចប់តូច កាលពីវេលាម៉ោង១០និង៣០នាទីយប់ថ្ងៃទី១ សីហា នៅផ្លូវលំក្រុមទី៩ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
ជនជាប់ចោទ៦នាក់នេះគឺ១-ឈ្មោះឃុន ហៀង ភេទប្រុស អាយុ៣០ឆ្នាំ មានទីលំនៅផ្ទះជួលផ្លូវលំសង្កាត់បឹងសាឡាង ខណ្ឌទួលគោក ២-ឈ្មោះឯក ផារី ភេទប្រុស អាយុ១៧ឆ្នាំ ជាសិស្ស ស្នាក់នៅផ្លូវលំភូមិត្រពាំងឈូក សង្កាត់ទឹកថ្លា ខណ្ឌសែនសុខ ៣-ឈ្មោះយ៉ឺន សុខគា ភេទប្រុស អាយុ១៧ឆ្នាំ ស្នាក់នៅផ្ទះលេខ២៧N ផ្លូវ២៦៥ ក្រុម៣ សង្កាត់ទឹកល្អក់៣ ខណ្ឌទួលគោក ៤-ឈ្មោះសួន វិមាន ភេទប្រុស អាយុ១៧ឆ្នាំ ជាសិស្ស ៥-ឈ្មោះយិន សាវីត ភេទប្រុស អាយុ២៧ឆ្នាំ ជាជាងជួសជុលរថយន្ត និង៦-ឈ្មោះឈុំ ចំរើន ភេទប្រុស អាយុ២៧ឆ្នាំ ជាកម្មករសំណង់ អ្នកទាំង៣ស្នាក់នៅក្នុងភូមិអូរបែកក្អម សង្កាត់ទឹកថ្លា ខណ្ឌសែនសុខ។
មន្ត្រីប៉ូលិសព្រហ្មទណ្ឌខណ្ឌសែនសុខបានឲ្យដឹងថា ជនសង្ស័យទាំង៦នាក់ខាងលើត្រូវបានប៉ូលិសឃាត់ខ្លួន ខណៈធ្វើសកម្មភាពទិញគ្រឿងញៀននៅម្តុំភូមិត្រពាំងឈូក សង្កាត់ទឹកថ្លា។ ទោះបីយ៉ាងណាប៉ូលិសកំពុងតែស្រាវជ្រាវរកមេខ្លោងជួញដូរគ្រឿងញៀន ដើម្បីយកមកផ្តន្ទាទោសតាមផ្លូវច្បាប់។
គួរបញ្ជាក់ថា ការជួញដូរគ្រឿងញៀនតំបន់ភូមិត្រពាំងឈូក សង្កាត់ទឹកថ្លា អាជ្ញាធរមានសមត្ថកិច្ចបានបង្ក្រាបជាញឹកញាប់ ហើយក៏ធ្លាប់ចាប់បានពួកជួញដូរគ្រឿងញៀនផងដែរ ប៉ុន្តែដូចជាបង្ក្រាបជនងងឹតទាំងនេះមិនចេះអស់ទាល់តែសោះមិនដឹងមូលេហេតុអ្វី?៕
ចែករំលែកព័តមាននេះ