អាជ្ញាធររាយការណ៍ថា ភ្លៀងធ្លាក់ខ្លាំងនិងខ្យល់បោកបក់ខ្លាំងបណ្តាលឱ្យមានទឹកជំនន់និងការហូរភក់នៅតៃវ៉ាន់សម្លាប់មនុស្ស៤នាក់ក្រោយការបោកបក់កាលពីថ្ងៃទី២សីហារបស់ខ្យល់ព្យុះឈ្មោះសាវឡា SAOLA ដែលបង្ខំឱ្យទីផ្សារហិរញ្ញវត្ថុត្រូវបិទទ្វារ ហើយបង្កការរាំងស្ទះក្នុងការដឹកជញ្ជូន ។
ជើងហោះហើរក្នុងស្រុករបស់យន្តហោះទាំងឡាយត្រូវលុបចោលហើយបណ្តាញផ្លូវដែកត្រូវបញ្ឈប់ពេលព្យុះនេះបោកបក់សំដៅមកកាន់ឆ្នេរសមុទ្រនៃកោះតៃវ៉ាន់ ។ ព្យុះនេះដំបូងវាយប្រហារលើហ្វ៊ីលីពីនបណ្តាលឱ្យមនុស្សស្លាប់៣៣នាក់ ។ទីភ្នាក់ងារព័ត៌មានចិនស៊ិនហួរាយការណ៍ថា ចិនបានប្រកាសអាសន្នចំពោះខ្យល់ព្យុះនោះដែលអាចវាយប្រហារលើខេត្តហ្វូជាន និងហ្សេយ៉ាង នាភាគអាគ្នេយ៍ចិន ។
ព្យុះមួយទៀតឈ្មោះដំរី DAMREY ក៏អាចបោកបក់មកលើភាគខាងជើងក្រុងសៀងហៃចាប់តាំងពីថ្ងៃទី២សីហាទៅដែរ ៕
ចែករំលែកព័តមាននេះ