ម៉ាស៊ីនឃោសនាក្នុងស្រុករាយការណ៍ថា ការប្រកាសអាសន្នគ្រាប់បែកមួយកាលពីរសៀលថ្ងៃទី១សីហាញ៉ាំងឱ្យមានការជម្លៀសមនុស្សចេញពីព្រលានយន្តហោះអន្តរជាតិសាន់អានតូនីញ៉ូរដ្ឋតិចសាស់សហរដ្ឋអាមេរិក ។ការជម្លៀសមនុស្សចេញដែលទាក់ទិនដល់អ្នកដំណើរជិត១ពាន់នាក់ចាប់ផ្តើមពីម៉ោង១៤ម៉ោងក្នុងស្រុកទៅ ក្រោយការប្រកាសអនាមិកមួយដែលអះអាងថាមានគ្រាប់បែក៣គ្រាប់ស្ថិតនៅត្រង់ចំណតរបស់ព្រលានយន្តហោះ ។
អ្នកប្រកាសតាមទូរស័ព្ទនេះជាបុរសម្នាក់និយាយថា រូបគេបានទុកចោលក្នុងព្រលានយន្តហោះនូវវ៉ាលីសដាក់អីវ៉ាន់មានគ្រាប់បែកក្នុងនោះដែលជិតផ្ទុះហើយ ។ រថយន្តបឺសចំនួន២៥គ្រឿងត្រូវបានបញ្ជូនទៅកាន់ព្រលានយន្តហោះដើម្បីជួយជម្លៀសអ្នកដំណើរចេញហើយអ្នកដំណើរខ្លះត្រូវនាំទៅកាន់ជម្រកការពារបណ្តោះអាសន្ន ។ រថយន្តពន្លត់ភ្លើងទាំងឡាយត្រូវបានបញ្ជូនទៅកាន់ព្រលានយន្តហោះនោះដែរ ហើយមានបញ្ជូនពួកអ្នកឯកទេសខាងដោះមីននិងក្រុមអ្នកឯកទេសខាងសម្ភារៈគ្រោះថ្នាក់ទៅដែរ ៕
ចែករំលែកព័តមាននេះ