រាជ​ធានីភ្នំពេញ ៖ ​ គិតត្រឹមវេលា​ម៉ោង​១០​ និង៥៥នាទីព្រឹកថ្ងៃទី២ សីហា ២០១២នេះ ក្នុងចំណោមប្រទេសចំនួន៣៩ ដែល​ទទួល​​បានមេដាយពីការប្រកួតកីឡាអូឡំាពិកក្នុងទី​ក្រុងឡុងដ៍ប្រទេសអង់គ្លេសនោះ ប្រទេសចិន នៅតែបន្តនំាមុខគេ ដោយ​ទទួលបានសរុប៣០ គ្រឿង ក្នុងនោះមេដាយមាស១៧គ្រឿង ប្រាក់​៩ និងសំរិទ្ធ៤គ្រឿង  ។

លំដាប់ទី២ គឺសហរដ្ឋអាមេរិកបាន​មេដាយ​សរុប២៩គ្រឿង ដោយទទួលបានមាស១២ ប្រាក់៨ និងសំរិទ្ធ៩ ។ លំដាប់លេខ៣ គឺ​ប្រទេសកូរ៉េខាងត្បូង ទទួលមេដាយមាស៦ ប្រាក់២ និងសំរឹទ្ធ៤ ។ ប្រទេសបារំាងឈរ​នៅលំដាប់លេខ៤ ទទួលបាន​មេដាយ​មាស៥ ប្រាក់​៣ និងសំរិទ្ធ៥គ្រឿង ។ ប្រទេសកូរ៉េ​ខាងជើង នៅលំដាប់ទី៥ ទទួលបានមេដាយ​មាស៤ និងសំរិទ្ធ១ ។

បន្ទាប់មកប្រទេស​អាឡឺម៉ង់ទី៦ អុីតាលីទី៧ កាហ្សាក់ស្តង់ទី៨ ជប៉ុនទី៩ និងប្រទេសរុស្ស៊ីទី១០ ។​រីឯប្រទេសអង់​គ្លេសជាម្ចាស់​ផ្ទះ​នោះវិញឈរនៅលំដាប់ទី១១ ដោយទទួលបានមេ​ដាយមាស២ ប្រាក់៣ និងសំរិទ្ធ៤ ។ចំណែកប្រទេសទំាង១០ នៅក្នុងតំបន់​អាស៊ីអាគ្នេយ៍មានតែប្រទេសឥណ្ឌូណេស៊ី និង ថៃទេ ដែលទទួលបានមេដាយ ដោយប្រទេស​ឥណ្ឌូណេស៊ី ទទួលបាន​មេដាយ​ចំនួន២គ្រឿង គឺប្រាក់១ សំរិទ្ធ១ លើវិញ្ញាសាលើកទម្ងន់ ។ ចំណែកប្រទេសថៃទទួលបានមេដាយ​ប្រាក់​១គ្រឿងលើ​វិញ្ញាសា​លើកទម្ងន់ផងដែរ ។

ចំណែកកីឡាករកម្ពុជាឈ្មោហែម ថុន ពន្លឺ ត្រូវ​បាន​​ចាប់​​ផ្តើម​ប្រកួតលើវិញ្ញាសា​ហែលទឹក​របៀបសេរីចម្ងាយ៥០ម៉ែត្រ នៅថ្ងៃទី២ សីហា នេះ ៕