រាជធានីភ្នំពេញ ៖ បុរសម្នាក់ត្រូវរថយន្តមួយគ្រឿងមិនច្បាស់ម៉ាកបុកស្លាប់នៅនឹងកន្លែង ខណៈជិះម៉ូតូក្នុងទិសដៅបញ្ច្រាសគ្នា ហើយរថយន្តបង្កបើករត់គេចបាត់ដោយសុវត្ថិភាព។ គ្រោះថ្នាក់ចរាចរណ៍នេះកើតឡើងកាលពីវេលាម៉ោង៩និង៥០នាទីយប់ថ្ងៃទី១ សីហា តាមមហាវិថីព្រះមុនីរ៉េត ជិតវត្តនន្ទមុនី ស្ថិតក្នុងភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ ។
ជនរងគ្រោះស្លាប់បាត់បង់ជីវិតមានឈ្មោះកាំង ហុងគ្រី ភេទប្រុស អាយុ៣១ឆ្នាំ ស្នាក់នៅសង្កាត់ផ្សារដេប៉ូ១ ខណ្ឌទួលគោក ។ សពជនរងគ្រោះត្រូវបានដឹកយកទៅតម្កល់ទុកនៅវត្តសំបួរ រង់ចាំបងប្អូនមកទទួលយកទៅធ្វើបុណ្យតាមប្រពៃណី ។ ចំណែកម៉ូតូខូចខាតផ្នែកខាងមុខត្រូវសមត្ថកិច្ចយកទៅរក្សាទុកនៅការិយាល័យនគរបាលចរាចរផ្លូវគោក ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ