ខេត្តស្ទឹងត្រែង ៖ ថវិកាចំនួន៨៥ដុល្លារជាអំណោយរបស់សប្បុរសជនបានយកជូនកូនភ្លោះពិការស្វិតដៃជើង និងជីដូនដែលរស់នៅក្នុងវត្តភ្នំស្ទឹងត្រែង ភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង កាលពីព្រឹកថ្ងៃទី២ សីហា ២០១២ ។
លោកយាយ ទូ គឹមឡេង ជីដូនរបស់កូនភ្លោះទាំង២ សម្តែងនូវទឹកមុខសប្បាយរីករាយនៅពេលបានទទួលថវិកាពីសប្បុរសជនជាបន្តបន្ទាប់ដើម្បីជីវភាព និងថែរក្សាចៅទាំង២ទៅមុខទៀត ។ លោកយាយបាននិយាយថា ចៅរបស់គាត់ទាំង២ឥឡូវនេះ មានទឹកមុខស្រស់បស់ជាងសព្វដង មួយវិញទៀតតាំងពីទទួលទានថ្នាំខ្មែរមកដូចជាមានកម្លាំងជាងមុន ។
កូនភ្លោះដួង ហ៊ួ និងដួង ហៃ បានសម្តែងការត្រេកអរ បន្ទាប់ពីទទួលបានអំណោយរបស់សប្បុរសជនជាហូរហែ ដែលអំណោយទាំងនោះអាចជួយឱ្យពួកគេយកប្រើប្រាស់ក្នុងការទិញថ្នាំ ព្យាបាលជំងឺនានានៅពេលគេឈឺម្តងៗ មួយវិញទៀតថវិការបស់សប្បុរសជនមួយចំណែកធំ គឺសម្រាប់ទិញអាហារចិញ្ចឹមក្រពះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ