មានការវាយប្រហារដោយគ្រឿងផ្ទុះកាលពីព្រឹកថ្ងៃទី១សីហាប្រឆាំងការិយាល័យភ្នាក់ងារស៊ើបការណ៍យោធាលីប៊ីនៅក្រុងបេនហ្គាហ្ស៊ី ភាគខាងកើតប្រទេស ។យោងតាមសាក្សីទាំងឡាយនិងកងកម្លាំងសន្តិសុខថាពួកជនមិនស្គាល់មុខដែលស្ថិតលើរថយន្តមួយគ្រឿងបានគប់គ្រឿងផ្ទុះមួយមកលើអគារការិយាល័យនោះដែលស្ថិតនៅមហាវិថី ឌូបៃ ។ កញ្ចក់អគារជាច្រើនត្រូវបែកដោយសារការផ្ទុះយ៉ាងខ្លាំង ។ នេះជាលើកទី៣ហើយដែលអគារនោះរងការវាយប្រហារតាំងពីដើមឆ្នាំ២០១២មក ។
ទោះបីជាយ៉ាងណា ការវាយប្រហារលើកនេះពុំបណ្តាលឱ្យមនុស្សណាម្នាក់ត្រូវរបួសឡើយ ។ សម្រាប់ពលរដ្ឋលីប៊ីជាច្រើនកនៅក្រុងបេនហ្គាហ្ស៊ីចង់បានស្វ័យភាពកាន់តែច្រើនពីរដ្ឋាភិបាល កណ្តាលក្រុងទ្រីប៉ូលី ។កាលពីយប់ថ្ងៃទី៣១ កក្កដា កន្លងមកនេះ នៅកណ្តាលក្រុងបេនហ្គាហ្ស៊ីជាទីក្រុងបង្អែករបស់ពួកបះបោរពេលប្រយុទ្ធដើម្បីផ្តួលរំលំរបបលោកមូអាម៉ាកាដាហ្វី និយោជិត៧នាក់ របស់អឌ្ឍចន្ទក្រហមអុីរ៉ង់ត្រូវបានពួកជនប្រដាប់អាវុធចាប់ពង្រត់ ។ អ្នកទាំង៧នាក់នោះ ធ្វើដំណើរតាមរថយន្តមកកាន់សណ្ឋាគារពេលត្រូវចាប់ពង្រត់ ៕
ចែករំលែកព័តមាននេះ