រាជធានីភ្នំពេញ ៖ ដើម្បីពង្រឹងច្បាប់ចរាចរណ៍ផ្លូវគោកនៃប្រទេសកម្ពុជា ក៏ដូចជាទប់ស្កាត់សកម្មភាពប្លន់ប្រដាប់អាវុធផ្សេងៗគណៈបញ្ជាការឯកភាពខណ្ឌមានជ័យ ដឹកនាំដោយលោកជា ខេមា អភិបាលរងខណ្ឌកាលពីវេលាម៉ោង៣រសៀលថ្ងៃទី១ សីហា ២០១២ បានចុះត្រួតពិនិត្យអាវុធជាតិផ្ទុះ និងត្រួតពិនិត្យច្បាប់ចរាចរណ៍ផ្លូវគោក ស្ថិតនៅលើផ្លូវលេខ១៩៨៦ សង្កាត់ភ្នំពេញថ្មី ខណ្ឌសែនសុខ ដោយមានការចូលរួមពីកម្លាំងនគរបាលជាច្រើននាក់ផងដែរ ។
លោកជា ខេមា បានឱ្យដឹងថា យុទ្ធនាការនេះធ្វើឡើងតបតាមការណែនាំរបស់សាលារាជធានីភ្នំពេញ ក៏ដូចជាអភិបាលខណ្ឌសែនសុខ ដើម្បីចូលរួមទប់ស្កាត់សកម្មភាពប្លន់ប្រដាប់អាវុធផ្សេងៗតាមរយៈការត្រួតពិនិត្យអាវុធជាតិផ្ទុះ និងត្រួតពិនិត្យច្បាប់ចរាចរណ៍ជើងគោក ពោលការឃាត់អ្នកដំណើរដែលជិះម៉ូតូគ្មានមួក គ្មានកញ្ចក់ និងបើករថយន្តគ្មានឯកសារ ច្បាប់ពាក់ព័ន្ធត្រឹមត្រូវ ។
លោកបន្តថា កន្លងទៅគណៈបញ្ជាការឯកភាពខណ្ឌចុះប្រតិបត្តិការជាច្រើនលើកដោយទទួលបានលទ្ធផលល្អប្រសើរ ក៏ណែនាំអ្នកធ្វើដំណើរតាមម៉ូតូ និងរថយន្តដែលគ្មានលិខិតស្នាម ពាក់ព័ន្ធផ្សេងៗឱ្យយល់ដឹងពីច្បាប់ចរាចរណ៍ជើងគោក ។ ការត្រួតពិនិត្យ គឺធ្វើជារៀងរាល់ថ្ងៃថែមទៀតផង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ