រដ្ឋមន្ត្រីពាណិជ្ជកម្មកូរ៉េខាងត្បូងលោក BARK TAR-HO ថ្លែងថាប្រទេសកូរ៉េខាងត្បូងនិងតួកគីបានចុះហត្ថលេខាកាលពីថ្ងៃទី១សីហាលើកិច្ចព្រមព្រៀងផ្លាស់ប្តូរសេរីមួយដែលបើកផ្លូវឱ្យបណ្តាសហគ្រាសកូរ៉េខាងត្បូងបង្កើនសកម្មភាពក្នុងប្រទេសតួកគី ។
លោក BARK TAE-HO និងសមភាគីតួកគីលោកហ្សាហ្វ័រកាក្លាយ៉ានបានចុះហត្ថលេខាលើកិច្ចព្រមព្រៀងនោះនៅទីក្រុងអង់ការ៉ារដ្ឋធានីតួកគី ។
ក្នុងសង្កថានាឱកាសពិធីចុះហត្ថលេខាលើកិច្ចព្រមព្រៀងនោះលោក BARK ថ្លែងថា កិច្ចព្រមព្រៀងផ្លាស់ប្តូរសេរីកូរ៉េខាង ត្បូង-តួកគី នឹងជាតំណាងគ្រឹះរឹងមាំមួយនៃការពង្រីកសេដ្ឋកិច្ចនិងពាណិជ្ជកម្មរបស់ប្រទេសទាំង២ ។ ទំហំនៃការផ្លាស់ប្តូររវាងប្រជាជាតិទាំង២នឹងមានការបង្កើនដល់ទៅ១០ពាន់លានដុល្លារក្នុងរយៈពេល២ឬ៣ឆ្នាំខាងមុខនេះ ហើយអាចរហូតដល់ទៅ២០ពាន់លានដុល្លារផងនាពេលអនាគត ។
លោក BARK ឱ្យដឹងថា លោកនឹងខំធ្វើយ៉ាងណាឱ្យសភាជាតិអនុម័តលើកិច្ចព្រមព្រៀងនោះដើម្បីអាចចូលជាធរមាននាដើមឆ្នាំខាងមុខនេះ ។ចាប់តាំងពីខែមីនាឆ្នាំ២០១០មកប្រទេសទាំង២បានធ្វើការចរចា៤លើកមកហើយលើកិច្ចព្រមព្រៀងផ្លាស់ប្តូរសេរីនោះ ៕
ចែករំលែកព័តមាននេះ