រាជធានីភ្នំពេញ ៖ រថយន្តរ៉េហ្វ័រ ពណ៌ទឹកសមុទ្រ បើកដោយបុរសម្នាក់ក្នុងសភាពស្រវឹងរេចង្កូតទៅបុករ៉ឺម៉កម៉ូតូ បណ្តាលឱ្យម៉ូតូរ៉ឺម៉កស្រុញតែមិនមាននរណាម្នាក់រងរបួសទេ ។ ហេតុការណ៍នេះកើតឡើង កាលពីវេលាម៉ោង១និង២០នាទីរំលងអធ្រាត្រឈានចូលថ្ងៃទី២ សីហា តាមបណ្តោយផ្លូវលេខ១៨២ ស្ថិតក្នុងសង្កាត់អូរឫស្សីទី២ ខណ្ឌ៧មករា ។
រ៉ឺម៉កម៉ូតូមានដឹកភ្ញៀវ៣នាក់ជាបុរស បន្ទាប់ពីបុកគ្នាហើយភ្ញៀវទាំងបីនាក់នោះបាននាំគ្នាជិះម៉ូតូឌុបចេញទៅបាត់អស់នៅសល់តែម្ចាស់រ៉ឺម៉ក និងអ្នកបើករថយន្តបង្កធ្វើការដោះស្រាយគ្នានៅកន្លែងកើតហេតុ ។
ក្រោយពេលកើតហេតុភាគីទាំងពីរបានចរចាគ្នានៅកន្លែង ដោយម្ចាស់រ៉ឺម៉កម៉ូតូទាមទារសំណង៣០០ដុល្លារសម្រាប់ជួសជុលម៉ូតូ តែម្ចាស់រថយន្តមិនព្រមសងតម្រូវឱ្យសមត្ថកិច្ចចុះវាស់វែងយករថយន្ត និងរ៉ឺម៉កម៉ូតូទៅរក្សាទុកនៅខណ្ឌ៧មករា រង់ចាំដោះស្រាយបន្តទៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ