រាជធានីភ្នំពេញ ៖ រថយន្តតាក់ស៊ីម៉ែត្រមួយគ្រឿងបើកក្នុងល្បឿនលឿនជាន់ហ្វ្រាំងមិនទាន់ក៏ទៅបុកម៉ូតូអាយខន ចំពាក់កណ្តាលតួម៉ូតូពេញទំហឹង បណ្តាលឱ្យអ្នកបើកម៉ូតូដួលរលាត់ដៃជើង កាលពីវេលាម៉ោង១១និង១០នាទីយប់ថ្ងៃទី១ សីហា ២០១២ នៅត្រង់ចំណុចផ្លូវបែកជា៤ តាមផ្លូវលេខ២៧៤កែងផ្លូវ១០៥ ក្នុងសង្កាត់បឹងព្រលិត ខណ្ឌ៧មករា ។
ប្រភពព័ត៌មានឱ្យដឹងថា រថយន្តតាក់ស៊ីម៉ែត្របើកដោយបុរសម្នាក់តាមបណ្តោយផ្លូវ២៧៤ ពីលិចទៅកើត ។ លុះមកដល់ត្រង់ចំណុចផ្លូវបែកជា៤ ក៏វាក់ជាមួយម៉ូតូអាយខន បើកដោយបុរសម្នាក់ដែរ តាមបណ្តោយផ្លូវលេខ១០៤ ពីត្បូងទៅជើងបុកពេញទំហឹង បណ្តាលឱ្យអ្នកបើកម៉ូតូរងរបួសបន្តិចបន្តួច ចំណែកម៉ូតូរងការខូចខាតរថយន្តក្រពឹតផ្នែកខាងមុខ ។
ក្រោយពេលកើតហេតុដោយភាគីទាំង២ដណ្តើមយកត្រូវរៀងៗខ្លួនប៉ូលិសចរាចរបានយកម៉ូតូ និងរថយន្តទៅរក្សាទុកនៅអធិការដ្ឋានខណ្ឌ៧មករា រង់ចាំការដោះស្រាយ ៕
ចែករំលែកព័តមាននេះ