រាជធានីភ្នំពេញ ៖ យុវជន៣នាក់ជិះម៉ូតូក្នុងស្ថានភាពស្រវឹងផងនោះជ្រុលទៅបុកក្បាលរបាំងចែកផ្លូវ បណ្តាលឱ្យដួលច្រងាប់ច្រងិលរងរបួសរលាត់ដៃជើងតិចតួចទាំង៣នាក់ កាលពីវេលាម៉ោង១០យប់ ថ្ងៃទី១ សីហា តាមមហាវិថីសហព័ន្ធរុស្ស៊ីចំណុចស្តុបវត្តនាគវ័ន ស្ថិតក្នុងសង្កាត់ផ្សារដេប៉ូ៣ ខណ្ឌទួលគោក ។
បើតាមសម្តីជនរងគ្រោះដែលព្យាយាមមិនប្រាប់ឈ្មោះឱ្យដឹងថា មុនពេលកើតហេតុពួកគេទាំងបីនាក់ជិះម៉ូតូស្មាស់ ពណ៌ខ្មៅ តាមបណ្តោយមហាវិថីសហព័ន្ធរុស្ស៊ីពីលិចទៅកើត ខណៈមកដល់ចំណុចខាងលើមានរថយន្តមួយគ្រឿងមិនចាំម៉ាកបើកកៀរម៉ូតូរបស់គេ ទើបពួកគេគេចក៏ជ្រុលទៅបុកក្បាលរបាំងចែកផ្លូវ បណ្តាលឱ្យដួលរងរបួសតែម្តង។
ក្រោយពេលកើតហេតុម៉ូតូរបស់ជនរងគ្រោះត្រូវបានសមត្ថកិច្ចយកទៅរក្សាទុកនៅសាលារាជធានីភ្នំពេញ ។ ជារៀងរាល់យប់តែងតែមានអ្នកបើកបរស្រវឹងបុករបាំងចែកផ្លូវ បើមិនរថយន្តបុកក៏មានម៉ូតូបើកបុកដែរ ដូចជាដាក់វេនគ្នាអ៊ីចឹង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ