ក្នុងសេចក្តីប្រកាសមួយកងកម្លាំងអូតង់នៅអាហ្វហ្គានីស្ថានរាយការណ៍ថាទាហានអូតង់៤នាក់ស្លាប់ក្នុងការវាយប្រហារដោយគ្រាប់បែកទាំងឡាយនៅអាហ្វហ្គានីស្ថានកាលពីថ្ងៃទី១សីហា ។យោងតាមសេចក្តីប្រកាសនោះថា ទាហានអូតង់ម្នាក់ស្លាប់ក្រោយការផ្ទុះគ្រាប់បែកមួយគ្រាប់នៅភាគខាងត្បូងអាហ្វហ្គានីស្ថានកាលពីថ្ងៃទី១សីហា ។
មុននេះនាថ្ងៃជាមួយគ្នាអូតង់អះអាងពីការបាត់បង់ទាហានខ្លួន២នាក់ក្នុងការផ្ទុះគ្រាប់បែកច្នៃមួយនៅភាគខាងកើតអាហ្វហ្គានីស្ថាន រួចអ្នកបកប្រែភាសាជនជាតិអាហ្វហ្គានីស្ថានម្នាក់ក៏ត្រូវស្លាប់ក្នុងការផ្ទុះនោះដែរ ។ ចំណែកទាហានអូតង់ម្នាក់ទៀតស្លាប់ថ្ងៃទី១សីហាដែរ ក្នុងការផ្ទុះគ្រាប់បែកមួយគ្រាប់នៅភាគខាងត្បូងអាហ្វហ្គានីស្ថាន ។ ការស្លាប់ថ្មីទាំងនោះធ្វើឱ្យចំនួនទាហានបរទេសស្លាប់នៅអាហ្វហ្គានីស្ថានឡើងដល់២៧០នាក់ហើយចាប់តាំងពីដើមឆ្នាំ២០១២នេះមក ៕
ចែករំលែកព័តមាននេះ