ទីភ្នាក់ងារព័ត៌មានផ្លូវការកូរ៉េខាងជើង KCNA រាយការណ៍កាលពីថ្ងៃទី១សីហាថា ភ្លៀងធ្លាក់ខ្លាំងនិងខ្យល់ព្យុះដែលវាយប្រហារនាពេលថ្មីៗនេះលើប្រទេសកូរ៉េខាងជើងបណ្តាលឱ្យមនុស្សស្លាប់១១៩នាក់ ហើយមនុស្សជាង៨៤.០០០នាក់បាត់បង់ទីជម្រកចំណែកផ្ទៃដីដាំដុះប្រមាណជា៤៦.០០០ហិកតារងការបំផ្លាញ ។
នេះជាការខូចខាតធ្ងន់ធ្ងរបំផុតប្រកាសដោយទីភ្នាក់ងារព័ត៌មាន KCNA បន្ទាប់ពីភ្លៀងធ្លាក់ខ្លាំងរយៈពេល១សប្តាហ៍បង្កឱ្យមានទឹកជំនន់ធ្ងន់ធ្ងរ វាយប្រហារលើកូរ៉េខាងជើងក្នុងខែកក្កដា ។ពេលនេះគេភ័យខ្លាចភ្លៀងនិងព្យុះដែលបណ្តាលឱ្យមានទឹកជំនន់ក្នុងផ្នែកជាច្រើនរបស់ប្រទេសធ្វើឱ្យប៉ះពាល់ធ្ងន់ធ្ងរថែមទៀតដល់សេដ្ឋកិច្ចដែលដុនដាបស្រាប់របស់កូរ៉េខាងជើងហើយបង្កើនការខ្វះស្បៀងកាន់តែខ្លាំង ៕
ចែករំលែកព័តមាននេះ