កាតធនាគារចំនួន៣រួមមាន VISA, CUP (China Union Pay) និង JCB (Japan Credit Bureau) នឹងត្រូវដាក់ឱ្យប្រើប្រាស់នៅភូមានាឆ្នាំ២០១៣ខាងមុខ ដើម្បីសម្រួលដល់ការធ្វើដំណើរកម្សាន្តនៅក្នុងប្រទេស ។ ធនាគារឯកជនដែលប្រតិបត្តិការក្រោមការគ្រប់គ្រងរបស់ប្រព័ន្ធ Myanmar Payment Union នឹងផ្តល់សេវាកម្មជាមួយនឹងកាតធនាគារអន្តរជាតិទាំង៣នោះ ។
មន្ត្រីធនាគារកណ្តាលបាននិយាយថា កាតធនាគាររបស់ភូមាត្រូវបានគេរំពឹងថា នឹងដាក់ឱ្យប្រើប្រាស់ទូទាំងពិភពលោកនៅឆ្នាំ២០១៤ ។ យើងមានគម្រោងប្រើប្រព័ន្ធ MPU ទូទាំងប្រទេស និងនៅក្នុងប្រទេសសមាជិកអាស៊ានទាំងអស់សម្រាប់កីឡាស៊ីហ្គេម (SEA Game) នាឆ្នាំ២០១៣ខាងមុខនេះ ។
កាលពីថ្ងៃទី៩ កក្កដា ក្រុមហ៊ុនឯកជនចំនួន១១មានដូចជា Kanbawza Bank, Cooperative Bank, Myanmar Industrial Development Bank, Myawaddy Bank, Inwa Bank, Myanmar Oriental Bank, Asian Green Development Bank, Ayeyawaddy Bank, Myanmar Pioneer Bank, United Amara Bank and Tun Foundation Bank បានចាប់ផ្តើមសេវាកម្មបើកគណនីរូបិយវត្ថុបរទេសជាប្រាក់ដុល្លារ អឺរ៉ូ និងដុល្លារសិង្ហបុរី ព្រមទាំងវិញ្ញាបនបត្រអត្រាប្តូរប្រាក់បរទេស (foreign exchange certificate) ។
ធនាគារទាំងអស់នេះត្រូវបានអនុញ្ញាតឱ្យធ្វើពាណិជ្ជកម្មរូបិយវត្ថុបរទេសមានដុល្លារ អឺរ៉ូ និងដុល្លារសិង្ហបុរី កាលពីខែវិច្ឆិកា ឆ្នាំ២០១១ ។ រហូតមកដល់ពេលនេះ មានធនាគារឯកជនចំនួន១៩ និងធនាគារគ្រប់គ្រងដោយរដ្ឋចំនួន៣កំពុងប្រតិបត្តិការនៅភូមា ។
ចែករំលែកព័តមាននេះ