រាជធានីភ្នំពេញ ៖ ដោយមានការណែនាំពីលោកកែប ជុតិមា អភិបាលរាជធានីភ្នំពេញ មន្ទីរសាធារណការនិងដឹកជញ្ជូនរាជធានី បាននិងកំពុងសម្រុកស្ថាបនាផ្លូវចូលភ្នំប្រសិទ្ធិ៍តភ្ជាប់ពីផ្លូវជាតិលេខ៥ តាមអនុសាសន៍របស់សម្តេចតេជោ ហ៊ុន សែន។
លោកហេង ងួន ប្រធានអង្គភាពស្ពានថ្នល់នៃមន្ទីរសាធារណការ និងដឹកជញ្ជូនរាជធានីភ្នំពេញ បានឱ្យដឹងថា រហូតមកដល់
រាជធានីភ្នំពេញ ៖ ដោយមានការណែនាំពីលោកកែប ជុតិមា អភិបាលរាជធានីភ្នំពេញ មន្ទីរសាធារណការនិងដឹកជញ្ជូនរាជធានី បាននិងកំពុងសម្រុកស្ថាបនាផ្លូវចូលភ្នំប្រសិទ្ធិ៍តភ្ជាប់ពីផ្លូវជាតិលេខ៥ តាមអនុសាសន៍របស់សម្តេចតេជោ ហ៊ុន សែន។
លោកហេង ងួន ប្រធានអង្គភាពស្ពានថ្នល់នៃមន្ទីរសាធារណការ និងដឹកជញ្ជូនរាជធានីភ្នំពេញ បានឱ្យដឹងថា រហូតមកដល់ពេលនេះ ការស្ថាបនាផ្លូវក្រាលកៅស៊ូចូលភ្នំប្រសិទ្ធិ៍កំពុងដំណើរការយ៉ាងមមាញឹក ដែលនៅចំពោះមុខនេះ មន្ទីរកំពុងដំណើរការកាត់ជើងទេរ ចាក់ដីស ពង្រីកតួផ្លូវ និងលើកកម្ពស់ផ្លូវដើម្បីជំរុញការស្ថាបនាផ្លូវនេះឱ្យស្របតាមលក្ខណៈបច្ចេកទេស និងការណែនាំរបស់លោកកែប ជុតិមា អភិបាលរាជធានីភ្នំពេញ ។
លោកហេង ងួន ឱ្យដឹងទៀតថា មានកន្លែងខ្លះជើងទេរមានជម្រៅជាង៤ម៉ែត្រ ដែលយើងត្រូវចាក់ដីបំពេញ និងបង្ហាប់ឱ្យស្មើនិងរឹងមាំ ប៉ុន្តែកន្លងមកក៏មានជួបការលំបាកខ្លះដោយសារភ្លៀងធ្លាក់ច្រើនធ្វើឱ្យមានការរំខានក្នុងការស្ថាបនា ។ លោកប្រធានអង្គភាពស្ពាន ថ្នល់ បញ្ជាក់ទៀតថា ក្រៅពីការស្ថាបនាផ្លូវ មន្ទីរក៏ដំណើរការស្ថាបនាស្ពានជាប្រភេទលូប្រអប់១កន្លែងមានទំហំ៩ម៉ែត្រគុណនឹង១៣,១ម៉ែត្រ ដែលពេលនេះស្ថាបនារួច១០០ភាគរយហើយ។
ផ្លូវចូលភ្នំប្រសិទ្ធិ៍ ឬផ្លូវលេខ១៥១ មានប្រវែង១២.៨២៥ម៉ែត្រ ទទឹង៧ម៉ែត្រ ចាប់ពីមុខវត្តមុនីប្រសិទ្ធីវង្សដល់ភ្នំប្រសិទ្ធិ៍ ឆ្លងកាត់សង្កាត់៣ គឺសង្កាត់ព្រែកព្នៅ សង្កាត់ពញាពន់ និងសង្កាត់សំរោង ក្នុងខណ្ឌសែនសុខ ស្ថាបនាជាប្រភេទផ្លូវកៅស៊ូ DBST ដែលជាគម្រោងធំចំណាយថវិកាជិត៦លានដុល្លារអាមេរិក ជាថវិការបស់សាលារាជធានីភ្នំពេញ និងអនុវត្តគម្រោងដោយមន្ទីរសាធារណការ និងដឹកជញ្ជូនរាជធានីភ្នំពេញ ។ ផ្លូវនេះ បានបើកការដ្ឋានស្ថាបនាកាលពីថ្ងៃទី២៨ ឧសភា កន្លងទៅ ជាផ្លូវដ៏សំខាន់តភ្ជាប់តំបន់ប៉ែកខាងលិច និងខាងជើងរាជធានីភ្នំពេញ និងជាផ្លូវវាងទីក្រុងដែលអាចកាត់បន្ថយរថយន្តធុនធំ រថយន្តដឹកធ្ងន់ចូលទីក្រុង និងជាការបង្កឱ្យមានភាពងាយស្រួលដល់ដំណើរទេសចរណ៍របស់ប្រជាពលរដ្ឋទៅកាន់រមណីយដ្ឋានភ្នំរាប និងភ្នំប្រសិទ្ធិ៍ផងដែរ ដែលគ្រោងស្ថាបនាឱ្យរួចរាល់ក្នុងរយៈពេល១៨ខែ ។
នេះជាសមិទ្ធផលថ្មី១ទៀត ជាចំណងដៃដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន ជូនដល់ប្រជាពលរដ្ឋ ៕
ចែករំលែកព័តមាននេះ