ខេត្តក្រចេះ ៖ កម្លាំងប៉ូលិសចរាចរជើងគោកខេត្ត កាលពីថ្ងៃទី១ សីហា ២០១២ បានចាប់ឃាត់រថយន្តតាក់ស៊ី៣គ្រឿងមកធ្វើការផាកពិន័យតាមច្បាប់ចរាចរណ៍ផ្លូវគោក ខណៈរថយន្តទាំង៣គ្រឿងនេះមានផ្ទុកអ្នកដំណើរជាច្រើនអ្នក និងដឹកទំនិញសំពីងសំពោង ខុសលក្ខណៈបច្ចេកទេសដែលងាយ និងបង្កគ្រោះថ្នាក់ ។
លោកអនុសេនីយ៍ឯក ណាប់ ទឹដ្ឋា នាយផ្នែកចរាចរណ៍ឱ្យដឹងថា រថយន្តតាក់ស៊ី៣គ្រឿងដែលនគរបាលចរាចរបានចាប់ឃាត់នេះសុទ្ធសឹងជារថយន្តម៉ាកសាំងយ៉ុង ចេញពីខេត្តស្ទឹងត្រែង រតនៈគិរី ឆ្ពោះទៅទីក្រុងភ្នំពេញ ដោយមានផ្ទុកអ្នកដំណើរជាច្រើនអ្នក និងផ្ទុកសម្ភារសំពីងសំពោងទាំងខាងក្រោយ និងលើរថយន្ត បណ្តាលឱ្យខុសពីលក្ខណៈបច្ចេកទេស និងងាយបង្កគ្រោះថ្នាក់ជាយថាហេតុ ហើយក៏ត្រូវកម្លាំងនគរបាលចរាចរស្ទាក់ចាប់បាននៅចំណុចផ្លូវកែក ក្នុងទីប្រជុំជនខេត្តក្រចេះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ