ខេត្តព្រះវិហារ ៖ ដោយមានការផ្តល់របាយការណ៍មិនច្បាស់លាស់ពីគណៈកម្មការអាចារ្យវត្តកាលពីថ្ងៃទី៣០ កក្កដា ២០១២ កន្លងទៅថ្មីៗនេះ ចំពោះអំណោយលោកហូ សិទ្ធី នាយកខុទ្ទកាល័យសម្តេចតេជោនាយករដ្ឋមន្ត្រី ហ៊ុន សែន ប្រគេនវត្តចំនួន៧ក្នុងស្រុកគូលែន ដែលបានចេញផ្សាយក្នុងទំព័រកាសែតកោះសន្តិភាពនៅព្រឹកថ្ងៃទី១ សីហា ២០១២ សុំបញ្ជាក់ថា ទេយ្យទានដែលលោកហូ សិទ្ធី បានផ្ញើប្រគេនតាមរយៈលោកអភិបាលរងខេត្តព្រះវិហារ នៅក្នុងវត្តតេជោព្រះពោធិ៍ដំណាក់ ហៅ វត្តក្តាក់ រួមមានទៀនវស្សា១គូ មី២កេស អង្ករ១០០គីឡូក្រាម ត្រីខ១០កំប៉ុង ទឹកក្រូច១កេស ទឹកបរិសុទ្ធ១កេស សាដកចំនួន៦ សម្រាប់៦អង្គ និងថវិកាក្នុងមួយអង្គ២ម៉ឺនរៀល ។
ដោយឡែកវត្តចំនួន៦ទៀតក្នុងនោះមាន ១-វត្តគូលែនត្បូង ២-វត្តគូលែនជើង ៣-វត្តឈូក ៤-វត្តភូមិថ្នល់បំបែក ៥-វត្តភូមិតាកឹង និង៦-វត្តភូមិបុស្ស ក្នុងមួយវត្តៗទទួលបានទៀនវស្សា១គូ អង្ករ៥០គីឡូក្រាម ត្រីខ១០កំប៉ុង មី២កេស ទឹកក្រូច១កេស ទឹកបរិសុទ្ធ១កេស សាដក១ ថវិកា២ម៉ឺនរៀល និងសម្ភារប្រើប្រាស់មួយចំនួនទៀត។ តាជី យាយជីចំនួន៥០នាក់ក្នុងម្នាក់ៗទទួលបានក្រណាត់ស១ដុំ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ