ខេត្តព្រៃវែង ៖ ប្រជាពលរដ្ឋប្រមាណជាង១០០នាក់ ដែលនាំគ្នាធ្វើបាតុកម្មបណ្តេញចៅអធិការវត្តស្តីទីនាមសុខ ដា ឱ្យចេញពីវត្តនាគរង្សី ស្ថិតក្នុងភូមិក្តីដួង ឃុំរោងដំរី ស្រុកបាភ្នំដោយចោទប្រកាន់ពីបទប្រព្រឹត្តខុសពីពុទ្ធប្បញ្ញត្តិ កាលពីថ្ងៃទី២៧ កក្កដា ២០១២ ឥឡូវបានសម្រេចហើយ ដោយលោកចៅអធិការរួមនឹងសាមណេរ៣រូបទៀតបាននាំគ្នាភៀសខ្លួនចេញពីវត្តកាលពីវេលាម៉ោង៨យប់ថ្ងៃនោះតែម្តង ។
សូមបញ្ជាក់ឱ្យដឹងថា កាលពីថ្ងៃទី២៧ កក្កដា ២០១២ ប្រជាពលរដ្ឋជាង១០០នាក់ក្នុងឃុំរោងដំរី បាននាំគ្នាធ្វើបាតុកម្មបណ្តេញចៅអធិការវត្តស្តីទីនាម សុខ ដា រួមនឹងសាមណេរ៣រូបទៀតដែលបានប្រព្រឹត្តខុសពីពុទ្ធប្បញ្ញត្តិ ជាហេតុនាំឱ្យដាច់អាបត្តិ ឬបារាជិក ខណៈពេលដែលប្រជាពលរដ្ឋបានឃើញសកម្មភាពទាំងនោះ ហើយនាំគ្នាចូលទៅពិនិត្យមើលដើម្បីឱ្យច្បាស់ តែត្រូវកូនសិស្សលោកទាំង៤នាក់ជាអង្គរក្សឈរចាំការពារហាមឃាត់មិនឱ្យប្រជាពលរដ្ឋចូលក្នុងវត្តជាងនេះទៅទៀតថែមទាំងបានវាយមកលើប្រជាពលរដ្ឋថែមទៀតផង។ ទាំងអស់នេះហើយដែលនាំឱ្យប្រជាពលរដ្ឋក្តៅក្រហាយផ្ទុះកំហឹងបង្កើតជាបាតុកម្មនេះឡើង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ