ប្រទេសឥណ្ឌាកាលពីថ្ងៃទី៣១កក្កដាជួបប្រទះនឹងការដាច់ភ្លើងអគ្គិសនីយ៉ាងធំមួយថ្មីទៀតពុំធ្លាប់មានពីមុនមក ដែលប៉ះពាល់ដល់មួយចំហៀងប្រទេសក្រោយការដាច់ភ្លើងស្ទើរដូចគ្នានោះដែរក្នុងរដ្ឋចំនួន២០នៅភាគខាងជើងភាគខាងកើត និងភាគ|សានប្រទេស ។
កាលពីថ្ងៃទី៣០កក្កដាកន្លងមកនេះមានការដាច់ភ្លើងធំមួយប៉ះពាល់ដល់មនុស្ស៣០០លាននាក់ រួចហើយនៅភាគខាងជើងឥណ្ឌា ។កម្មកររ៉ែប្រមាណជា២០០នាក់ជាប់ក្នុងអណ្តូងរ៉ែ ធ្យូងថ្មមួយនៅបឹងហ្គាល់ខាងលិចរយៈពេលដល់ទៅ៦ម៉ោងព្រោះដាច់ភ្លើងរារាំងដល់ការប្រើប្រាស់ឧបករណ៍ឡើងចុះរបស់កម្មករក្នុងអណ្តូងរ៉ែ ។ មេត្រូក្រុងញូវដែល្លីត្រូវជាប់គាំង ហើយរថភ្លើង៤០០ខ្សែ ក៏ជាប់គាំងហើយធ្វើឱ្យមានការជ្រួលច្របល់ក្នុងទីក្រុងធំៗដោយសារដាច់ភ្លើងស្តុប។
រដ្ឋមន្ត្រីថាមពលឥណ្ឌាលោកស៊ូស៊ីកុមារ ស៊ីនដេអះអាងថា ការដាច់ភ្លើងយ៉ាងធំនោះដែលកើតមានរវាងម៉ោង១៣ម៉ោងក្នុងស្រុកបណ្តាលមកពីរដ្ឋប្រើប្រាស់ភ្លើងអគ្គិសនីលើសសម្ថភាពផ្គត់ផ្គង់ទើបនាំឱ្យមានបាតុភូតដូមីណូបែបនេះ ។ តំបន់ដាច់ភ្លើងលាតសន្ធឹងពីព្រំដែនប៉ាគីស្ថានដល់តំបន់ទាំងឡាយនៅភាគ|សានជិតប្រទេសចិនហើយប៉ះពាល់ដល់ក្រុងញូវដែល្លីរដ្ឋធានីឥណ្ឌាក៏ដូចជាទីក្រុងកាល់គូតា និងក្រុងLUCKNOW ។ សរុបរដ្ឋដល់ទៅ២០ក្នុងចំណោមរដ្ឋទាំង២៩រងការប៉ះពាល់ដោយការដាច់ភ្លើងថ្មីនេះ ៕
ចែករំលែកព័តមាននេះ