ខេត្តស្វាយរៀង ៖ ព្រឹកថ្ងៃទី៣១ កក្កដា លោកឧត្តមសេនីយ៍ឯក ចៅ ភិរុណ អគ្គនាយកនៃអគ្គនាយកដា្ឋនសម្ភារបច្ចេកទេស ក្រសួងការពារជាតិ និងជាប្រធានក្រុមការងារគណបក្សប្រជាជនកម្ពុជាចុះជួយស្រុកសា្វយជ្រំ រួមជាមួយអស់លោក លោកស្រីជាក្រុមការងារទាំងអស់អញ្ជើញចូលរួមក្នុងពិធីដង្ហែទៀនវស្សា និងទេយ្យវត្ថុយកទៅប្រគេនព្រះសង្ឃចំនួន៣៥វត្ដដែលគង់ចាំព្រះវស្សាអស់កាលត្រីមាស។ ពិធីនេះបានប្រារព្ធឡើងនៅក្នុងបរិវេណវត្ដមហាព្រឹទ្ធាចារ្យ ហ៊ុន នាង ដែលស្ថិតក្នុងឃុំក្រោលគោ ស្រុកសា្វយជ្រំ និងមានការចូលរួមពីសំណាក់លោកប្រធានក្រុមប្រឹក្សាខេត្ដ លោកអភិបាល-អភិបាលរងស្រុក យាយជី តាជី និងប្រជាពលរដ្ឋយ៉ាងច្រើនកុះករ។
លោកឧត្តមសេនីយ៍ឯក ចៅ ភិរុណ បានមានប្រសាសន៍នៅក្នុងអង្គពិធីនោះថា យើងមានឱកាសបានមកជួបជុំគា្ននិងប្រារព្ធពិធីបុណ្យប្រគេនទៀនវស្សាដល់ព្រះសង្ឃនាពេលនេះ គឺដោយសារប្រទេសជាតិយើងមានសុខសន្ដិភាព និងស្ថិរភាពនយោបាយដ៏ពេញលេញនៅទូទាំងប្រទេសដែលទាំងអស់នេះ គឺកើតចេញពីគុណបំណាច់របស់គណបក្សប្រជាជនកម្ពុជា ក្រោមការដឹកនាំប្រកប ដោយគតិបណ្ឌិតរបស់សម្ដេចទាំង៣ ជាពិសេសសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ដែលបានរំដោះប្រទេសជាតិឱ្យរួចផុតពីរបបប្រល័យពូជសាសន៍ដ៏ខ្មៅងងឹត និងដឹកនាំប្រទេសជាតិតាំងពីបាតដៃទទេ រហូតធ្វើឱ្យប្រទេសជាតិមានការរីកចំរើនលើគ្រប់វិស័យទាំងអាណាចក្រ និងពុទ្ធចក្រដូចសព្វថ្ងៃនេះ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ