កាសែតតួកគី TODAY’S ZAMAN រាយការណ៍កាលពីថ្ងៃទី៣១កក្កដាថាកងកម្លាំងសន្តិសុខតួកគីបានសម្លាប់សមាជិកគណបក្សពលករឃើតឌីស្ថាន PKKសរុប៣៩នាក់ ក្នុងប្រតិបត្តិការនានាប្រឆាំងក្រុមប្រដាប់អាវុធនេះ នៅខេត្តហាក់គីរីចាប់តាំងពីថ្ងៃទី២៣កក្កដាមក។
យោងតាមកាសែតនេះថា ប្រតិបត្តិការយោធាក្នុងទីក្រុងសេមឌីនលីខេត្តហាក់ការីចាប់ផ្តើមខណៈដែលពួកឧទ្ទាមPKK មួយក្រុមចាប់ផ្តើមធ្វើការត្រួតពិនិត្យអត្តសញ្ញាណប័ណ្ណក្នុងបណ្តាទីក្រុងតួកគីដែលស្ថិតនៅជាប់ព្រំដែនជាមួយភាគខាងជើងអុីរ៉ាក៉មក ។ ចាប់តាំងពីពេលនោះមកកងទ័ពតួកគីបានធ្វើការវាយឆ្មក់តាមអាកាសនានាប្រឆាំងក្រុមPKK ជំរុញឱ្យសមាជិកPKK ជាច្រើននាក់រត់គេចខ្លួនទៅកាន់ជំរំលាក់ខ្លួនពួកគេនៅភាគខាងជើងអុីរ៉ាក់ ។
អង្គការPKKដែលត្រូវតួកគី សហរដ្ឋអាមេរិក និងសហភាពអឺរ៉ុបចាត់ទុកថាជាអង្គការភេរវកម្មមួយនោះបានចាប់អាវុធតស៊ូពីឆ្នាំ១៩៨៤មកដើម្បីបង្កើតរដ្ឋឃើតមួយនៅភាគអាគ្នេយ៍តួកគី ។ ចាប់តាំងពីពេលនោះមកមនុស្សជាង៤០.០០០នាក់ហើយត្រូវស្លាប់ក្នុងជម្លោះចូលរួមដោយក្រុមនេះ ៕
ចែករំលែកព័តមាននេះ