អត្ថបទមួយដែលបានចុះផ្សាយក្នុងកាសែតហ្វ៊ីលីពីនស្តារ ក្រុងម៉ានីល បានជំរុញឱ្យលោកឯកអគ្គរាជទូតកម្ពុជាប្រចាំសាធារណរដ្ឋហ្វ៊ីលីពីន ផ្ញើសារលិខិតមួយឱ្យចុះផ្សាយក្នុងកាសែតដដែលនេះនៅថ្ងៃទី៣០ កក្កដា ដែលជាការឆ្លើយតបទៅនឹងអត្ថបទរបស់លោកស្រីអនុរដ្ឋមន្ត្រី ការបរទេសហ្វ៊ីលីពីនដែលមានចំណងជើងថា «តើមានអ្វីកើតឡើងនៅភ្នំពេញ?»។ ជាការពិតកម្ពុជាក្នុងនាមប្រធានប្តូរវេនរបស់អាស៊ាន បានស្តីបន្ទោសទៅដល់ប្រទេស២ដែលជាដើមហេតុធ្វើឱ្យកិច្ចប្រជុំរដ្ឋមន្ត្រីការបរទេសអាស៊ានកន្លងទៅថ្មីៗនេះ មិនអាចចេញសេចក្តីថ្លែងការណ៍រួម បាន គឺដោយសារប្រទេសហ្វ៊ីលីពីន និងវៀតណាមទាមទារឱ្យបញ្ចូលលក្ខខណ្ឌរបស់ខ្លួនទៅក្នុងសេចក្តីថ្លែងការណ៍រួមនោះទាក់ទិននឹងបញ្ហាសមុទ្រចិនខាងត្បូង ។ ដោយឈរលើគោលការណ៍សន្តិសហវិជ្ជមាន កម្ពុជាមិនអាចយកសាំងចាក់លើភ្លើងបានទេ ដូចប្រសាសន៍របស់លោកឧបនាយករដ្ឋមន្ត្រីហោ ណាំហុង បានថ្លែងក្នុងសន្និសីទសារព័ត៌មានកន្លងមក តែបន្ទាប់ពីនោះ៦ចំណុចជាគោលការណ៍របស់អាស៊ានចំពោះដំណោះស្រាយលើបញ្ហាសមុទ្រចិនខាងត្បូងក៏ត្រូវបានប្រកាសនាពេលក្រោយមក ។
អ្វីដែលពួកជនអគតិចំពោះកម្ពុជា តែងយកទស្សនៈផ្ទាល់ខ្លួនសរសេរបរិហារមកលើកម្ពុជាជាបន្តបន្ទាប់ ដូចជាកាសែតនៅក្រុងបាងកកមាន The Nation បាងកកប៉ុស្តិ៍ជាដើម បានធ្វើអត្ថាធិប្បាយដោយខ្វះសុភនិច្ឆ័យរបស់ខ្លួន តែក៏ត្រូវបានឆ្លើយតបភ្លាមៗពីឯកអគ្គរាជទូតកម្ពុជា ប្រចាំក្រុងបាងកក ដែលបានប្រើសិទ្ធិឆ្លើយតបជាសាធារណៈដែរ ។ ពេលនេះការឆ្លើយឆ្លងគ្នានៅកណ្តាលក្រុងម៉ានីល ប្រទេសហ្វ៊ីលីពីន ក៏បានកើតមានឡើងបន្ទាប់ពីអនុរដ្ឋមន្ត្រីការបរទេសហ្វ៊ីលីពីនលោកស្រី Erlinda Basilio បានធ្វើអត្ថាធិប្បាយ ។
ខាងក្រោមនេះ គឺជាសារលិខិតរបស់ស្ថានទូតកម្ពុជាប្រចាំប្រទេសហ្វ៊ីលីពីន ចុះផ្សាយក្នុងកាសែតហ្វ៊ីលីពីនស្តារ (Philipine Star ) ថ្ងៃទី៣០ កក្កដា ដែលកោះសន្តិភាពសូមចម្លងចុះផ្សាយទាំងស្រុង ៖
ចែករំលែកព័តមាននេះ