ខេត្តកំពង់ស្ពឺ ៖ ស្ត្រីជាអ្នកជួញដូរគ្រឿងញៀនម្នាក់បានត្រូវមន្ត្រីប៉ូលិសប្រឆាំងគ្រឿងញៀនឃាត់ខ្លួនកាលពីវេលាម៉ោង៩និង១០នាទីព្រឹកថ្ងៃទី២៧ កក្កដា នៅក្នុងផ្សារត្រពាំងអំពិល(ផ្សារថ្នល់ទទឹង) ស្ថិតក្នុងឃុំត្រពាំងគង ស្រុកសំរោងទង តាមដីកាតុលាការ។
លោកវរសេនីយ៍ទោ ហែម ផល្លា នាយការិយាល័យប្រឆាំងគ្រឿងញៀនខេត្តថ្លែងថា ស្ត្រីម្នាក់នេះឈ្មោះអ៊ុង លីដា ហៅស្រីម៉ៅ ហៅស្រីភាព ត្រូវបានឃាត់ខ្លួន ខណៈកំពុងធ្វើសកម្មភាពចែកថ្នាំញៀននៅចំណុចខាងលើ ។ ជាមួយនឹងការឃាត់ខ្លួននេះ ប៉ូលិសប្រឆាំងគ្រឿងញៀនបានឆែកឆេររកឃើញថ្នាំញៀនប្រភេទម៉ាទឹកកកចំនួន៣៣កញ្ចប់ ស្មើនឹង៦,៥ក្រាម ហើយក្នុងថ្ងៃដដែលនោះដែរក៏បានបញ្ជូនទាំងមនុស្ស និងវត្ថុតាងទៅសាលាដំបូងខេត្ត ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ