រាជធានីភ្នំពេញ ៖ កំលាំងសមត្ថកិច្ចអន្ដរក្រសួង១ក្រុម បានចុះបង្ក្រាបទីតាំង លក់វីស៊ីឌីចំនួនពីរកន្លែងប្រមូលបានជាង ៣.០០០បន្ទះ ព្រមទាំងម៉ាស៊ីនចាក់វីស៊ីឌី និង ទូរទស្សន៍មួយចំនួនផង ហើយវីស៊ីឌីដែល ប្រមូលបាននោះត្រូវសមត្ថកិច្ចខាងលើអះអាងថា ក្លែងក្លាយជាវីស៊ីឌីថតចម្លង ប៉ុន្ដែ ភ្លាមៗនោះពុំបានបញ្ជាក់ថាមានរឿងអាស អាភាសដែរ ឬក៏អត់នោះឡើយ ។ ការចុះ បង្ក្រាបនេះបានធ្វើឡើងកាលពីព្រឹកថ្ងៃទី១៥ ខែមិថុនា ឆ្នាំ២០១០ នៅចំណុចមុខផ្សារ ពោធិចិនតុង ស្ថិតក្នុងភូមិប៉ប្រកខាងត្បូង សង្កាត់កាកាប ខណ្ឌដង្កោ ។
កំលាំងសមត្ថកិច្ចខាងលើមានប៉ូលិស នាយកដ្ឋានសន្ដិសុខផ្ទៃក្នុងក្រសួងមហាផ្ទៃ និងមន្ដ្រីក្រសួងវប្បធម៌ ក្រោយមកទើប មានការចូលរួមសហការពីសំណាក់មន្ដ្រី ការិយាល័យវប្បធម៌ខណ្ឌដង្កោ ។ ពេលនោះ សមត្ថកិច្ចខាងលើបានរឹបអូសវីស៊ីឌី និងស៊ីឌី ចំរៀងព្រមទាំងរឿងបានប្រហែលជាង ៣.០០០បន្ទះ និងបានប្រមូលយកម៉ាស៊ីន ចាក់វីស៊ីឌី និងទូរទស្សន៍ច្រកចូលបាវរួចដឹក តាមរ៉ឺម៉កកង់៣ទៅរក្សាទុក ប៉ុន្ដែវីស៊ីឌីទាំង អស់នោះពុំមានរឿងអាសអាភាសទេ ។
នៅក្នុងខណៈពេលនោះដែរ មុនដំបូង ក្រុមសមត្ថកិច្ចខាងលើបានរារាំងមិនចង់ឱ្យ អ្នកកាសែតថតយកព័ត៌មានពីការចុះបង្ក្រាប នេះទេ ដោយមន្ដ្រីប៉ូលិសតូចតាចបានប្រាប់ ថាឱ្យទៅសុំការអនុញាតពីមេរបស់គេ គឺ លោកឧត្ដមសេនីយ៍ត្រីសៅ ប៊ុនធឿន ជាមុន សិន ព្រោះលោកឧត្ដមសេនីយ៍ជាអ្នកដឹកនាំ កំលាំងចុះបង្ក្រាបផ្ទាល់ ។ ប៉ុន្ដែទោះបីជាបែប ណាអ្នកកាសែតទាំងអស់នៅតែថតយកព័ត៌ មានដោយមិនចាំបាច់សុុំការអនុញាតអ្វីទាំង អស់ ព្រោះកន្លែងបង្ក្រាបគឺជាទីសាធារណៈ ម្យ៉ាងគិតថា ការបង្ក្រាបគឺជាស្នាដៃរបស់ សមត្ថកិច្ច ។ បន្ទាប់ពីមិនអាចហាមឃាត់ អ្នកកាសែតបាន សមត្ថកិច្ចខាងលើក៏បាន យកឯកសារពាក់ព័ន្ធនានាដូចជាលិខិត បង្គាប់ការរបស់អគ្គស្នងការនគរបាលជាតិ និងលិខិតស.ជណ របស់ទីស្ដីការគណៈរដ្ឋមន្ដ្រី ក្នុងការចុះបង្ក្រាបបទល្មើសភាពយន្ដនិង វីដេអូខុសច្បាប់មកបង្ហាញអ្នកកាសែតវិញ។
មន្ដ្រីទាំងនោះនិយាយថា ការចុះបង្ក្រាបនេះ គឺធ្វើឡើងតាមច្បាប់ត្រឹមត្រូវ មានឯកសារ បទបញ្ជាត្រឹមត្រូវ លុបបំបាត់ការថតចម្លង ឌីស្កក្លែងក្លាយ ជាពិសេសការពារវប្បធម៌ ខ្មែរយើង ។ កន្លងមកទីតាំងលក់វីស៊ីឌីទាំង ពីរកន្លែងខាងលើ ត្រូវបានចុះបង្ក្រាប៣លើក រួចមកហើយ ប៉ុន្ដែមិនរាងចាលនៅតែបន្ដ លក់ទៀតទើបពេលនេះចាប់ប្រមូលទាំង អស់ឈប់ឱ្យលក់តែម្ដង ហើយតាមគោល ការណ៍ក្នុងឌីស្ក១បន្ទះត្រូវផាកពិន័យ៧.០០០ រៀលឯណោះ ។
ប្រជាពលរដ្ឋនិយាយថា នៅក្នុងផ្សារ ពោធិចិនតុង និងផ្សារស៊ិនជូរីផ្លាហ្សា ក៏ដូចជា ផ្សារដទៃៗទៀត មានដាក់តាំងលក់វីស៊ីឌីថត ចម្លងច្រើនណាស់ ប៉ុន្ដែពុំមានការបង្ក្រាបទេ សមត្ថកិច្ចចុះបង្ក្រាបតែតូបលក់ឌីស្កទាំង ២ខាងលើប៉ុណ្ណោះ ។ កន្លងមក ចាប់ពេល ព្រឹក លុះល្ងាចឡើងឃើញដាក់លក់វិញ ម្យ៉ាង ទៀត ពេលបង្ក្រាបមុនៗ សមត្ថកិច្ចនិយាយ ថា ដោយសារមានលក់វីស៊ីឌីអាសអាភាស ទើបចាប់ តែពេលនេះតូបខាងលើលែងលក់ រឿងអាសអាភាសហើយក៏នៅតែចាប់ ទៀត។
ប្រជាពលរដ្ឋដដែលបាននាំគ្នានិយាយ ថា អ្នកលក់ឌីស្កខាងលើខំប្រឹងលក់រកលុយ បង់ឱ្យតែគេប៉ុណ្ណោះ ។ ប៉ុណ្ណឹងហើយនៅតែ ខំប្រឹងលក់សន្សំកម្មធ្វើអ្វីទៀត ចំណែកឯ សមត្ថកិច្ចវិញគួរតែចុះបង្ក្រាបទីតាំងដែល ធ្វើអាជីវកម្មថតចម្លងតែម្ដងទើបអស់ការលក់វីស៊ីឌីក្លែងក្លាយ៕
ចែករំលែកព័តមាននេះ