មេផ្សោតកាន់ទុក្ខដាក់ខ្មោចកូនលើខ្នងហែលទាំងក្តីអាឡោះអាល័យ(មានវីដេអូ)
មេផ្សោតមួយក្បាលកាន់ទុក្ខខ្មោចកូនរបស់វា ដោយដាក់លើខ្នងជាប់រហូតបង្ហាញពីអារម្មណ៍ស្តាយស្រណោះពេលបាត់បង់សមាជិកហើយត្រូវអ្នកទេសចរប្រទះឃើញ ខណៈពួកគេជិះទូកកម្សាន្តនៅសមុទ្រ ។ ហេតុការណ៍នេះបានកើតឡឹងនៅតំបន់ក្វាន់ស៊ី ហ្ស៊ង (Guang Zhuang ) ខេត្ត ក្វាន់ស៊ី ភាគខាងត្បូងប្រទេសចិន ជាប់ព្រំដែនវៀតណាម ។ នេះបើយោងតាមគេហទំព័រដេលីម៉ែល ចេញផ្សាយថ្ងៃទី២៤ កក្កដា ឆ្នាំ២០១២ ។
ប្រភពបន្តថា អ្នកទេសចរជិះទូកកម្សាន្តមួយក្រុមបានប្រទះឃើញមេផ្សោតមានអ្វីម្យ៉ាងនៅលើខ្នងរបស់វា ។ ក្រោយមកពួកគេបានរំកិលទូកចូលជិតបន្តិចទើបដឹងថា មេផ្សោតនោះកំពុងលីខ្មោចកូនរបស់វានៅលើខ្នងហែលពុះពារឆ្លងកាត់រលកសមុទ្រឆ្ពោះទៅទឹកជ្រៅទាំងក្តីអាឡោះអាល័យបំផុត ។ ក្រុមអ្នកទេសចរពេលបានឃើញទិដ្ឋភាពបែបនេះហើយ ពួកគេមានទឹកមុខស្រងូតស្រងាត់គ្រប់ៗគ្នា ព្រោះវាជាហេតុការណ៍ដ៏កម្រនឹងជួបប្រទះសម្រាប់មនុស្ស ។
ចែករំលែកព័តមាននេះ