អ្នកបុរាណវិទ្យានៅមហាវិទ្យាល័យ «អុីនសាប្រ៊ូក» ប្រទេសអូទ្រីស រកឃើញអាវទ្រនាប់ស្ត្រីធ្វើពីក្រណាត់សូត្រត្បាញពីសរសៃរុក្ខ ជាតិម៉្យាងចំនួន៤នៅក្នុងប្រាសាទដ៏ចំណាស់មួយ ។ គេសន្និដ្ឋានថា អាវទ្រនាប់ទាំងនោះអាចមានអាយុមិនតិចជាង៦០០ឆ្នាំទេ ។
អ្នកបុរាណវិទ្យានៅមហាវិទ្យាល័យ «អុីនសាប្រ៊ូក» ប្រទេសអូទ្រីស រកឃើញអាវទ្រនាប់ស្ត្រីធ្វើពីក្រណាត់សូត្រត្បាញពីសរសៃរុក្ខជាតិម៉្យាងចំនួន៤នៅក្នុងប្រាសាទដ៏ចំណាស់មួយ ។ គេសន្និដ្ឋានថា អាវទ្រនាប់ទាំងនោះអាចមានអាយុមិនតិចជាង៦០០ឆ្នាំទេ ។
អាវទ្រនាប់បុរាណនោះ ត្រូវគេប្រទះឃើញក្នុងប្រាសាទ «លេមប៊ើក» នៅតំបន់ថៃរ៉ល ។ អ្នកជំនាញផ្នែកម៉ូដ ចម្លែកក្នុងចិត្តយ៉ាងខ្លាំងចំពោះការប្រទះឃើញនោះ ព្រោះកាលពីមុនសន្និដ្ឋានថា អាវទ្រនាប់ចាប់កំណើតឡើងក្នុងអំឡុងពេល១០០ឆ្នាំមុនប៉ុណ្ណោះ ។
អាវទ្រនាប់ដ៏ចំណាស់នៅលើពិភពលោកនោះ រកឃើញកាលពី៤ឆ្នាំមុន ប៉ុន្តែគេទើបតែឱ្យដឹងបន្ទាប់ពីស្រាវជ្រាវ និងសាកល្បងពិសោធន៍ដោយសារធាតុកាបូន ធ្វើឱ្យប្រាកដថា ជាអាវទ្រនាប់ដ៏ពិតប្រាកដ និងមានអាយុជាង៦០០ឆ្នាំ។អ្វីដែលធ្វើឱ្យអ្នកបុរាណវិទ្យា និងអ្នកជំនាញផ្នែករចនាម៉ូដសម្លៀកបំពាក់ចម្លែកចិត្ត គឺអាវទ្រនាប់បុរាណទាំងនោះស្រដៀងនឹងអាវទ្រនាប់បច្ចុប្បន្ន ។ អាវទ្រនាប់បុរាណនោះ ដេរពីក្រណាត់ត្បាញពីសរសៃរុក្ខជាតិម៉្យាង មានខ្សែព័ទ្ធទៅលើស្មា និងអាចមានខ្សែខ្វែងទៅខាងក្រោយដូចគ្នានឹងអាវទ្រនាប់ប្រើក្នុងពេលបច្ចុប្បន្ន ។
លើសពីនេះមានការតុបតែងលម្អដោយក្បាច់ផ្កា និងគ្រឿងអលង្ការផ្សេងៗទៀតយ៉ាងប្រណីត ។ ដូច្នេះហើយអាចសន្និដ្ឋានថា អាវទ្រនាប់បានចាប់កំណើតនៅមុនពេលអាវរឹបរាងកាយ (អាវក្នុង) ដែលក្រោយមកវិវឌ្ឍក្លាយជាអាវទ្រនាប់ក្នុងពេលបច្ចុប្បន្ន។
អ្នកជំនាញនៅមហាវិទ្យាល័យ បានថ្លែងថា អាវទ្រនាប់ទាំង៤នោះ គឺជាផ្នែកមួយនៃបំណែកវាយភណ្ឌដែលរកឃើញជាង២.៧០០បំណែក ដោយបំណែកមួយចំនួនជាក្រណាត់ត្បាញពីសរសៃរុក្ខជាតិម៉្យាង ឬក្រណាត់សរសៃរុក្ខជាតិផ្សំជាមួយក្រណាត់កប្បាស ដែលបានរកឃើញលាយឡំនៅក្នុងភក់ និងបំណែកស្បែកសត្វ ។
ការរកឃើញលើកនេះចាត់ទុកថាជាការរុករកឃើញបំណែកនៃប្រវត្តិសាស្ត្រជាសំភារតុបតែងកាយរបស់មនុស្ស ។ ក្រៅពីនេះក៏នៅមានការប្រទះឃើញវាយនភណ្ឌមានលក្ខណៈស្រដៀងខោទ្រនាប់របស់ស្ត្រី ប៉ុន្តែអ្នកឯកទេសបញ្ជាក់ថា ជាខោទ្រនាប់របស់បុរស ព្រោះក្នុងសម័យនោះស្ត្រីមិនស្លៀកខោទ្រនាប់ទេ ៕
ចែករំលែកព័តមាននេះ