ការធ្វើអង្កេតចុងក្រោយរបស់ធនាគារពិភពលោក (WB) បញ្ជាក់ថា បច្ចុប្បន្ន ប្រជាជននៅលើពិភពលោកដល់ទៅ៣ភាគ៤អាចប្រើប្រាស់ទូរស័ព្ទចល័ត ។ ចំនួនអ្នកប្រើប្រាស់ទូរស័ព្ទចល័តមានការកើនឡើងយ៉ាងឆាប់រហ័ស ក្នុងអំឡុងពេល១២ឆ្នាំកន្លងមក ។ កាលពីឆ្នាំ២០០០ មានចំនួនអ្នកប្រើទូរស័ព្ទចល័តនៅទាងជាង១.០០០លាននាក់ ខណៈពេលបច្ចុប្បន្នមានអ្នកប្រើច្រើនជាង
ការធ្វើអង្កេតចុងក្រោយរបស់ធនាគារពិភពលោក (WB) បញ្ជាក់ថា បច្ចុប្បន្ន ប្រជាជននៅលើពិភពលោកដល់ទៅ៣ភាគ៤អាចប្រើប្រាស់ទូរស័ព្ទចល័ត ។ ចំនួនអ្នកប្រើប្រាស់ទូរស័ព្ទចល័តមានការកើនឡើងយ៉ាងឆាប់រហ័សក្នុងអំឡុងពេល១២ឆ្នាំកន្លងមក ។ កាលពីឆ្នាំ២០០០ មានចំនួនអ្នកប្រើទូរស័ព្ទចល័តនៅទាងជាង១.០០០លាននាក់ ខណៈពេលបច្ចុប្បន្នមានអ្នកប្រើច្រើនជាង៦.០០០លានលេខ ។
តាមរបាយការណ៍របស់ WB បង្ហាញថា ប្រជាជននៅលើពិភពលោកជាង៦.០០០លាននាក់មានទូរស័ព្ទចល័តប្រើប្រាស់ ឬកើនលើសកាលពីឆ្នាំ២០០០ជាង៦ដង និងនៅមានជំនឿចិត្តថា ក្នុងថ្ងៃអនាគតចំនួនទូរស័ព្ទចល័តនឹងមានចំនួនច្រើនជាងប្រជាជននៅលើពិភពលោក ។
អ្នកប្រើប្រាស់សេវាកម្មទូរស័ព្ទចល័តជិត៥.០០០លាននាក់ក្នុងពេលបច្ចុប្បន្នស្ថិតក្នុងប្រទេសកំពុងអភិវឌ្ឍន៍នៅអាស៊ី និងអាហ្វ្រិក ។ នៅក្នុងប្រទេសកំពុងអភិវឌ្ឍន៍ទូរស័ព្ទចល័តដែលប្រើស៊ីមកាតអាចដោះដូរបាននៅគ្រប់ពេល និងប្រើប្រាស់ដោយបញ្ចូលទឹកប្រាក់មានប្រើប្រាស់យ៉ាងទូលំទូលាយ ។
លោករ៉ាឆេល ខាយ អនុប្រធានធនាគារពិភពលោកផ្នែកអភិវឌ្ឍន៍បានថ្លែងថា ទំនាក់ទំនងតាមប្រព័ន្ធគ្មានខ្សែបានផ្តល់ឱកាសដ៏មហាសាលក្នុងការអភិវឌ្ឍសេដ្ឋកិច្ច និងធនធានមនុស្ស ព្រោះជាទំនាក់ទំនងដែលធ្វើឱ្យមនុស្សអាចឈានចូលទៅដល់ទិន្នន័យផ្នែកសុខភាពជាមូលដ្ឋាន អាចជម្រះបំណុលបានឆាប់ ជំរុញការបង្កើតការងារ និងធ្វើឱ្យពលរដ្ឋមានចំណែករួមក្នុងលក្ខណៈប្រជាធិបតេយ្យ ៕
ចែករំលែកព័តមាននេះ