រាជធានីភ្នំពេញ ៖ យោងតាមសេចក្តីប្រកាសព័ត៌មានរបស់ស្ថានទូតជប៉ុនប្រចាំនៅប្រទេសកម្ពុជាដែលបានចេញផ្សាយកាលពីព្រឹកថ្ងៃទី១១ មីនា ២០១១ ឱ្យដឹងថា រាជរដ្ឋាភិបាលជប៉ុនបានសម្រេចផ្តល់ជំនួយឥតសំណងថវិកា២៥៤.១១៣ដុល្លារអាមេរិក តាមរយៈគ្រោងការសហប្រតិបត្តិការសេដ្ឋកិច្ចរបស់ជប៉ុនសម្រាប់ទ្រង់ទ្រាយតូចសន្តិសុខមនុស្សជាតិដល់ស្ថាប័នចំនួន៣ ។
រាជធានីភ្នំពេញ ៖ យោងតាមសេចក្តីប្រកាសព័ត៌មានរបស់ស្ថានទូតជប៉ុនប្រចាំនៅប្រទេសកម្ពុជាដែលបានចេញផ្សាយកាលពីព្រឹកថ្ងៃទី១១ មីនា ២០១១ ឱ្យដឹងថា រាជរដ្ឋាភិបាលជប៉ុនបានសម្រេចផ្តល់ជំនួយឥតសំណងថវិកា២៥៤.១១៣ដុល្លារអាមេរិក តាមរយៈគ្រោងការសហប្រតិបត្តិការសេដ្ឋកិច្ចរបស់ជប៉ុនសម្រាប់ទ្រង់ទ្រាយតូចសន្តិសុខមនុស្សជាតិដល់ស្ថាប័នចំនួន៣ ។
ទី១-ទឹកប្រាក់៨៥.៣០០ដុល្លារអាមេរិក សម្រាប់គម្រោងសាងសង់អគារនៅសាលាមធ្យមសិក្សាគរុកោសល្យ មត្តេយ្យ មជ្ឈិមនៅរាជធានីភ្នំពេញ ដែលមានស្ថាប័នទទួលជំនួយគឺសាលាមធ្យមសិក្សាគរុកោសល្យ មត្តេយ្យ
មជ្ឈិម ។ ទី២-ទឹកប្រាក់៧០.២២៥ដុល្លារអាមេរិក សម្រាប់សាងសង់អន្តេវាសិកដ្ឋាននៅមជ្ឈមណ្ឌលគរុកោសល្យភូមិភាគខេត្តព្រៃវែង ។ ស្ថាប័នទទួលជំនួយគឺមជ្ឈមណ្ឌលគរុកោសល្យភូមិភាគខេត្តព្រៃវែង ។ ទី៣-ទឹកប្រាក់៩៨.៥៨៨ដុល្លារអាមេរិកសម្រាប់គម្រោងសាងសង់អគារសិក្សានៅសលាបឋមសិក្សាតាំងក្សាំង នៅរាជធានីភ្នំពេញ ។ ស្ថាប័នទទួលជំនួយគឺមន្ទីរអប់រំយុវជន និងកីឡា រាជធានីភ្នំពេញ ។
សេចក្តីប្រកាសរបស់ស្ថានទូតជប៉ុនបន្តថា ពិធីចុះហត្ថលេខាផ្តល់ជំនួយនេះនឹងធ្វើនៅស្ថានទូតជប៉ុននៅរាជធានីភ្នំពេញដោយលោកម៉ាសាហ្វូមី គូរ៉ូគ ឯកអគ្គរាជទូតជប៉ុនប្រចាំនៅប្រទេសកម្ពុជា និងអ្នកតំណាងឱ្យស្ថាប័នទទួលជំនួយនីមួយៗ ៕
ចែករំលែកព័តមាននេះ