អង្គការសហប្រជាជាតិ(UN) អំពាវនាវឱ្យប្រមូលពន្ធពីបណ្តាមហាសេដ្ឋីប្រាក់លាននៅទូទាំងពិភពលោកដើម្បីប្រមូលទុនឱ្យបានជាង៤០០.០០០លានដុល្លារក្នុងមួយឆ្នាំ សម្រាប់ជួយឧបត្ថម្ភដល់ប្រទេសក្រីក្រ ។ របាយការណ៍បញ្ជាក់ថា មហាសេដ្ឋីដែលមានទ្រព្យសម្បត្តិជាង១.០០០ ដុល្លារឡើងបានកើតឡើងចំនួន១.២២៦ នាក់នៅទូទាំងពិភពលោកក្នុងឆ្នាំ ២០១២ ។
អង្គការសហប្រជាជាតិ(UN) អំពាវនាវឱ្យប្រមូលពន្ធពីបណ្តាមហាសេដ្ឋីប្រាក់លាននៅទូទាំងពិភពលោកដើម្បីប្រមូលទុនឱ្យបានជាង៤០០.០០០លានដុល្លារក្នុងមួយឆ្នាំ សម្រាប់ជួយឧបត្ថម្ភដល់ប្រទេសក្រីក្រ ។ របាយការណ៍បញ្ជាក់ថា មហាសេដ្ឋីដែលមានទ្រព្យសម្បត្តិជាង១.០០០ ដុល្លារឡើងបានកើតឡើងចំនួន១.២២៦ នាក់នៅទូទាំងពិភពលោកក្នុងឆ្នាំ ២០១២ ។
មហាសេដ្ឋីទាំងនោះ នៅសហរដ្ឋអាមេរិក មានចំនួន៤២៥នាក់ អាស៊ីបា៉ាស៊ីហ្វិក ៣១៥នាក់អឺរ៉ុប ៣១០នាក់ ប្រទេសផ្សេងៗទៀតនៅអាមេរិកខាងជើង និងខាងត្បូងចំនួន៩០នាក់ និង៨៦នាក់ទៀតនៅអាហ្វ្រិក និងអាស៊ីកណ្តាល ។
បុគ្គលដែលមានស្តុកស្តម្ភទាំងនោះមានទ្រព្យសម្បត្តិសរុបរួមគ្នាប្រហែល៤,៦លានលានដុល្លារ ដូច្នេះប្រសិនបើប្រមូលពន្ធពីពួកគេក្នុងម្នាក់១% ក៏ទទួលបានប្រាក់ច្រើនជាង៤៦.០០០លានដុល្លារ ។ ជាមធ្យមមហាសេដ្ឋីទាំងនោះមានទ្រព្យសម្បត្តិក្នុងម្នាក់៣.៧០០លានដុល្លារ បើសិនពួកគេត្រូវចំណាយក្នុងមួយថ្ងៃ១.០០០ដុល្លារ ពួកគេអាចរស់នៅបានយូរដល់ទៅ១០.០០០ឆ្នាំទើបចាយប្រាក់អស់ ។
របាយការណ៍របស់UN ឱ្យដឹងថា ទ្រព្យសម្បត្តិរបស់មហាសេដ្ឋីប្រាក់ពាន់លានបានឡើងជាមធ្យម ក្នុងមួយឆ្នាំ៤%ក្នុងអំឡុងពេល២០ឆ្នាំកន្លងមក នៅមុនពេលកើតវិបត្តិសេដ្ឋកិច្ចពិភពលោកក្នុងឆ្នាំ២០០៨ -២០០៩។ UN បញ្ជាក់ថា «ប្រសិនបើទ្រព្យសម្បត្តិរបស់ពួកគេនៅតែកើនឡើងក្នុងអត្រាចាស់(៤%)ហើយមិនមានការប្រមូលពន្ធទេ សេដ្ឋីទាំងនោះនឹងមានទ្រព្យកើនដល់ទៅ២ដង ក្នុងរយៈពេល១៨ឆ្នាំខាងមុខ » ។
គោលគំនិតនោះ អាចសម្តែងការពេញចិត្តទៅលើមហាសេដ្ឋីដែលមានទឹកចិត្តដូចគ្នា ជាមួយលោកវ័រ រ៉េន បាហ្វហ្វេត ជនជាតិអាមេរិក ដែលអះអាងថាខ្លួនបង់ពន្ធក្នុងកម្រិតទាប ខណៈពេលរដ្ឋាភិបាលបារាំងក៏គំរាមទារពន្ធឱ្យបាន៧៥% ទៅលើអ្នកដែលមានចំណូលលើសពី១លានអឺរ៉ូក្នុងមួយឆ្នាំ ។ទោះជាយ៉ាងណាក៏ដោយ UN ទទួលស្គាល់ថា នេះគឺជារឿងពិបាកទទួលបានការយល់ព្រមពីក្រុមសេដ្ឋី ដោយភាគីច្រើននៅមិនទាន់យល់ថាជាវិធីសាស្ត្រប្រមូលទុន ដើម្បីសហប្រតិបត្តិការអន្តរជាតិ ៕
ចែករំលែកព័តមាននេះ