AFP ផ្សាយឱ្យដឹងថា រដ្ឋាភិបាលអីុតាលីបានយល់ស្របលើបទដ្ឋានកាត់បន្ថយការចំណាយសាធារណៈឱ្យបាន២៦.០០០ លានអឺរ៉ូក្នុងរយៈពេល៣ឆ្នាំខាងមុខ រួមទាំងកាត់បន្ថយប្រាក់បៀវត្សរ៍របស់មន្ត្រីផងដែរ ។លោកម៉ារីយ៉ូ ម៉ុនទី នាយករដ្ឋមន្ត្រីរបស់អីុតាលីថ្លែងថា «ថវិកាដែលគ្រោងសន្សំសំចៃតាមបទដ្ឋាននេះមានប្រហែល៤,៥ពាន់លានអឺរ៉ូក្នុងឆ្នាំ២០១២ ,១០.៥០០លាន
AFP ផ្សាយឱ្យដឹងថា រដ្ឋាភិបាលអីុតាលីបានយល់ស្របលើបទដ្ឋានកាត់បន្ថយការចំណាយសាធារណៈឱ្យបាន២៦.០០០ លានអឺរ៉ូក្នុងរយៈពេល៣ឆ្នាំខាងមុខ រួមទាំងកាត់បន្ថយប្រាក់បៀវត្សរ៍របស់មន្ត្រីផងដែរ ។លោកម៉ារីយ៉ូ ម៉ុនទី នាយករដ្ឋមន្ត្រីរបស់អីុតាលីថ្លែងថា «ថវិកាដែលគ្រោងសន្សំសំចៃតាមបទដ្ឋាននេះមានប្រហែល៤,៥ពាន់លានអឺរ៉ូក្នុងឆ្នាំ២០១២ ,១០.៥០០លានអឺរ៉ូក្នុងឆ្នាំ២០១៣ និង១១.០០០លានអឺរ៉ូ ក្នុងឆ្នាំ២០១៤។
ដោយឡែកលោកវីកតូរីយ៉ូ ហ្គ្រីលលី រដ្ឋមន្ត្រីក្រសួងសេដ្ឋកិច្ចបញ្ជាក់ថា គម្រោងនោះនឹងធ្វើឱ្យតំណែងជាប្រធានក្នុងអង្គភាពរដ្ឋធ្លាក់ចុះប្រហែល២០% និងបុគ្គលិកផ្នែករដ្ឋនឹងធ្លាក់ចុះ១០% ។ លោកមុនទីបានអធិប្បាយថា ការបន្ថយថ្លៃចំណាយគឺមានលក្ខណៈចាំបាច់។ ប្រសិនបើមិនប្រតិបត្តិដូច្នេះរដ្ឋអាចត្រូវដំឡើងពន្ធលើអ្នកប្រើប្រាស់ប្រហែល២% សម្រាប់ជាថ្នូរ ។ រដ្ឋាភិបាលអីុតាលីបានសម្រេចចិត្តកាត់ប្រាក់ឧបត្ថម្ភសម្រាប់មហាវិទ្យាល័យផ្សេងៗឱ្យបាន២០០លានអឺរ៉ូ និងបន្ថយឱ្យបានចំនួន៣០០លានអឺរ៉ូ ក្នុងឆ្នាំបន្ទាប់ ។ ស្របពេលជាមួយគ្នានេះដែរ រដ្ឋាភិបាលក្រុងរ៉ូម ក៏មានគម្រោងកាត់ប្រាក់បៀវត្សរ៍បុគ្គលិកនៅទូទាំងប្រទេស និងមិនផ្តល់តំណែងជាទីប្រឹក្សាដល់បុគ្គលិករដ្ឋដែលចូលនិវត្តន៍ជាបន្តទៀតទេ ។
សេដ្ឋកិច្ចរបស់អីុតាលី ស្ថិតក្នុងសភាពធ្លាក់ចុះតាំងពីពាក់កណ្តាលចុងក្រោយនៃឆ្នាំ២០១១ ដោយរដ្ឋាភិបាលបានព្យាករទុកថា ក្នុងឆ្នាំនេះសេដ្ឋកិច្ចនឹងធ្លាក់ចុះប្រហែល១,២% ខណៈពេលអត្រាប្រាក់របស់រដ្ឋាភិបាលបានរំកិលឡើងប្រហែល៦% ជាថ្មីក្នុងថ្ងៃទី៥ កក្កដា កន្លងទៅ ៕
ចែករំលែកព័តមាននេះ