សារព័ត៌មានបរទេសផ្សាយឱ្យដឹងថា រដ្ឋាភិបាលជប៉ុន ចាប់ផ្តើមដំណើរការចង្ក្រានរ៉េអាកទ័រ នុយក្លេអ៊ែរ ផលិតចរន្តអគ្គិសនីជាថ្មី ដើម្បីបញ្ចៀសការប្រឈមមុខនឹងការខ្វះខាតថាមពលនៅក្នុងប្រទេស បន្ទាប់ពីឈប់ដំណើរការចង្ក្រានរ៉េអាកទ័រនុយក្លេអ៊ែរ ស្ទើរតែទាំងស្រុង ព្រោះបារម្ភខ្លាចកើតមានវិបត្តិនុយក្លេអ៊ែរ ដូចគ្នានឹងការកើតនៅទីក្រុងហ្វូគូស៊ីម៉ា។
បច្ចុប្បន្ន ជប៉ុនកំពុងចាប់ផ្តើមពង្រីកសក្តានុពលការផលិតចរន្តអគ្គិសនីពីប្រភពជាច្រើនផ្សេងៗ រួមទាំងថាមពលពន្លឺព្រះអាទិត្យ ថាមពលពីកម្តៅ ដើម្បីជំរុញការវិនិយោគទុនផលិតថាមពលបៃតងក្នុងអំឡុងពេល២០ឆ្នាំខាងមុខ ។ ដោយឡែកគណៈកម្មការផ្នែកសុវត្ថិភាពនុយក្លេអ៊ែរ របស់កូរ៉េខាងត្បូងបានអនុម័តចង្ក្រានរ៉េអាកទ័រនុយក្លេអ៊ែរទី១ នៃរោងចក្រអគ្គិសនីនុយក្លេអ៊ែរ«ហ្គោរី»ក្នុងទីក្រុងប៊ូរអាក់រអួល បង្កឱ្យថាមពលក្នុងចង្ក្រាននោះផ្អាកដំណើរការអស់រយៈពេល១២នាទី រួមទាំងប្រព័ន្ធចែកចាយថាមពលបម្រុងក៏មិនដំណើរការ ។
ស្របពេលជាមួយគ្នានេះ នៅក្រោមសម្ពាធការត្រៀមធ្វើបាតុកម្មរបស់ប្រជាជននៅទីក្រុងប៊ូសាន និងក្រុងសេអ៊ូល ក្នុងការប្រើថាមពលនុយក្លេអ៊ែរ រដ្ឋាភិបាលក៏កំពុងត្រៀមបើកកិច្ចប្រជុំរួមជាមួយតំណាងក្រុមបាតុកម្ម ដើម្បីបញ្ជាក់ឱ្យដឹងពីសុវត្ថិភាពរបស់ចង្ក្រានរ៉េអាកទ័រទី១ ព្រោះប្រជាជនបារម្ភថា នឹងកើតហេតុច្រំដែលដូចគ្នានឹងរោងចក្រអគ្គិសនីនុយក្លេអ៊ែរ ហ្វូគូស៊ីម៉ារបស់ជប៉ុន ដែលខូចខាតដោយស៊ូណាមី បង្កឱ្យលេចធ្លាយជាតិវិទ្យុសកម្ម កាលពីថ្ងៃទី១១ មីនា ២០១១ ៕
ចែករំលែកព័តមាននេះ