“រឿងពិត តាមសំណូមពរ”
– ឱ!សែនអាម៉ាស់ ពុកខ្ញុំគាត់ចាស់ យកប្រពន្ធក្មេង
ដប់ប្រាំពីរឆ្នាំ ខ្ញុំមិនថាលេង ឬពុកវង្វេង លែងស្គាល់ដប់ម្ហៃ ។
– អាយុចិតប្លាយ នៅចង់សប្បាយ ផ្លូវកាមលោកិ៍យ
ស្រីៗគគោក សមស្របនិងវ័យ ពុកបែរបេតី ក្មេងស្រីទើបធំ ។
– កូនដាស់តឿនប្រាប់ តែពុកមិនស្ដាប់ ហួសចិត្ដណាស់ខ្ញុំ
ម៉េម៉ាយមិនយក រកតែក្រមុំ គេចំអកជុំ ពុកមិនខ្វល់អ្វី ។
– ម៉ែឪក្មេកគាត់ រកមិនគ្រប់មាត់ មានកូនស្រីបី
នាងបងម្ភៃមួយ ពុកមិនមេត្រី ព្រោះវាមិនខ្ចី ដូចជានាងប្អូន ។
– ម្ដាយក្មេកបើកដៃ បំពេញហរទ័យ ឱ្យពុករើសកូន
បានអាណិកជន គេអរស្ទើរសូន្យ យក“លោកតាកូន” ជាបុត្រសុណិសា ។
– អាណិតស្ដ្រីខ្មែរ ធ្វើតាមឪម៉ែ ទោះខុសតម្រា
រៀបការនិងប្រុស អាយុស្មើរតា ទ្រាំតាមវាសនា គ្រួសារទ័លក្រ។
– បានលុយរ៉ឺត្រែត ចាស់ចិតចូលប៉ែត នៅប្រឹងត្រដរ
លែងស្គាល់បាបបុណ្យ ស្រាលធ្ងន់ខ្មៅស បំពានផ្លូវធម៍ បំពេញចិត្ដគាត់ ។
– ពុកគេ ពុកខ្ញុំ នាំគ្នាច្រឡំ វង្វេងសតវត្ស
មោហ៍បាំងភ្លើតភ្លើន កិលេសរុំព័ទ្ធ ចាស់នេះមិនភ្លាត់ ចិត្ដគាត់នៅស្ទាវ ។
ដោយ ព្រុំ គឹម ជឿន prumkimchoeun@gmail.com
ចែករំលែកព័តមាននេះ