នារីជាសកម្មជនការពារសិទ្ធិស្ត្រីនៅក្នុងប្រទេសអ៊ុយក្រែនជាច្រើននាក់ កាលពីពេលថ្មីៗកន្លងមក បានប្រមូលផ្តុំគ្នានៅកន្លែងមួយ ហើយបង្កើតព្រឹត្តិការណ៍គួរឱ្យចាប់អារម្មណ៍មួយដោយនាំគ្នាដោះអាវចេញអស់ រួចលើកផ្ទាំងបដាធ្វើបាតុកម្ម ។ ពួកនាងបានធ្វើដូច្នេះដើម្បីធ្វើបាតុកម្មប្រឆាំងការប្រកួតមួយ ដែលអ្នកឈ្នះទទួលបាននារីម្នាក់ធ្វើជាប្រពន្ធ រៀបចំឡើងដោយស្ថានីយវិទ្យុមួយរបស់ប្រទេសនូវែលសេឡង់។
តាមប្រភពព័ត៌មានថា ស្ថានីយវិទ្យុ The Rock FM របស់ប្រទេសនូវែលសេឡង់ បានរៀបចំការប្រកួតមួយសម្រាប់អ្នកស្តាប់របស់ខ្លួន ដែលក្នុងការប្រកួតនេះអ្នកឈ្នះទទួលបានសិទ្ធិដើរលេងក្នុងប្រទេសអ៊ុយក្រែនរយៈពេល១២ថ្ងៃ និងទទួលបាននារីម្នាក់ធ្វើជាប្រពន្ធផងដែរ ប៉ុន្តែការប្រកួតនេះរងការប្រឆាំងយ៉ាងខ្លាំងពីនារីជាសកម្មជនការពារសិទ្ធិស្ត្រីដោយពួកគេនិយាយថា ការប្រកួតនេះមិនអាចទទួលយកបានឡើយ៕
ចែករំលែកព័តមាននេះ