តាមការស្រាវជ្រាវថ្មីបានបង្ហាញថា ផ្លែប៉េងប៉ោះអាចជួយការពារប្រឆាំងនឹងជំងឺមហារីកក្រពេញប្រូស្តាតរបស់បុរស ។ តាមអ្នកវិទ្យាសាស្ត្រនៃសាកលវិទ្យាល័យនេផល បានឱ្យដឹងថា ការទទួលទានផ្លែប៉េងប៉ោះរាល់ថ្ងៃអាចជួយការពារប្រឆាំងនឹងជំងឺមហារីកក្រពេញប្រូស្តាត និងបន្ថយល្បឿននៃការរីកធំសាច់មហារីកដែលនាំឱ្យអ្នកជំងឺឈឺចាប់ ។ នេះបើតាមសារព័ត៌មាន Dialy Mail រាយការណ៍ ។
ការសិក្សាខាងលើក៏បានរាប់បញ្ចូលការសាកល្បងលើសត្វកណ្តុរដែលស៊ីផ្លែប៉េងប៉ោះរាល់ថ្ងៃ គឺជាលទ្ធផលពួកវាមិនងាយឈឺ និងមានអាយុវែង ។ ការសិក្សាដ៏យូរនេះក៏រកមើលថា តើផ្លែប៉េងប៉ោះអាចប្រឆាំងជាមួយនឹងមេរោគបានដែរ ឬទេ ។ ក្រោយមកយើងបានលទ្ធផលដែលនៅមានចំណុចផ្ទុយមួយចំនួនដូចជា ពេលខ្លះវាបានផល និងពេលខ្លះវាមិនបានផល ។ បន្ទាប់មកក៏បានសិក្សាលើកណ្តុរដែលមានជំងឺ មហារីករួចហើយ តាមការប្រៀបធៀបរវាងសត្វកណ្តុរដែលមានជំងឺដូចគ្នាតាមការឱ្យចំណីដែលមានលាយផ្លែប៉េងប៉ោះ ។
ជាលទ្ធផលនៃការស្រាវជ្រាវឃើញថា សត្វកណ្តុរដែលមានជំងឺមហារីកហើយស៊ីចំណីដែលមានលាយផ្លែប៉េងប៉ោះ មានអត្រានៃមេរោគមហារីកថយ និងអាចរស់បានយូរជាងកណ្តុរធម្មតា ៕
ចែករំលែកព័តមាននេះ