ទីភ្នាក់ងារសារព័ត៌មានរុស្ស៊ី INTERFAX រាយការណ៍កាលពីថ្ងៃទី២ មីនា ថា ប្រទេសរុស្ស៊ី នឹងដាក់ពង្រាយមីស៊ីលបណ្តែតប្រឆាំងនាវាមុជទឹក និងប្រព័ន្ធការពារអាកាសទំនើបនៅលើប្រជុំកោះគូរីល ក្នុងនោះរួមទាំងកោះ៤ត្រួតត្រាដោយរុស្ស៊ី ហើយអធិបតេយ្យភាពលើកោះ៤នោះទាមទារដោយជប៉ុនដែរ ។ ដោយដកស្រង់សំដីអ្នកទទួលខុសត្រូវម្នាក់នៃសេនាធិការដ្ឋានកងទ័ពរុស្ស៊ី INTERFAX និយាយថា រុស្ស៊ីនឹងដាក់ពង្រាយមីស៊ីលប្រឆាំងនាវាមុជទឹកធុន YAKHONT ហើយតម្លើងប្រព័ន្ធការពារប្រឆាំងមីស៊ីលធុន TOR-M2 ។ មីស៊ីលបណ្តែតទាំងឡាយអាចដាក់ពង្រាយលើកោះ ITOUROUP និងកោះ KOUNACHIR ជាកោះ២ ក្នុងចំណោមកោះ៤ដែលមានជម្លោះហើយមានទីតាំងយោធារុស្ស៊ីដ៏សំខាន់ ។
ផែនការមួយដែលសំដៅពង្រឹងវត្តមានយោធារុស្ស៊ីលើប្រជុំកោះគូរីល ដែលមានមីស៊ីល ធុន YAKHONT និងប្រព័ន្ធការពារអាកាស TOR-M2 ត្រូវបានដាក់ជូនរដ្ឋមន្ត្រីការពារប្រទេសរុស្ស៊ីលោកអាណាតូលី ស័រឌីអ៊ូកូវរួចហើយ ។ រុស្ស៊ីនឹងបន្តពង្រឹងវត្តមានយោធារបស់ខ្លួននៅប្រជុំកោះគូរីលដែលខ្លួនចាត់ទុកថាជាតំបន់យុទ្ធសាស្ត្រមួយ ៕
ចែករំលែកព័តមាននេះ