ខេត្តប៉ៃលិន ៖ ស្ត្រីមេផ្ទះជាច្រើននាក់ត្រូវបាននគរបាលចាប់ឃាត់ខ្លួនយកទៅអប់រំ ខណៈប្តីឱ្យនៅចាំផ្ទះមើលកូនៗ និងចេះសន្សំលុយកាក់ទុកសម្រាប់ផ្គត់ផ្គង់ក្រុមជីវភាពគ្រួសារ បែរជានាំគ្នាអង្គុយលេងល្បែងក៏ត្រូវនគរបាលចូលចាប់ឃាត់ខ្លួនតែម្តង ។ ហេតុការណ៍ចាប់ឃាត់ខ្លួននេះបានធ្វើឡើងវេលាម៉ោង៣រសៀលថ្ងៃទី២៣ ខែសីហា ឆ្នាំ២០១៧…
ខេត្តប៉ៃលិន ៖ ស្ត្រីមេផ្ទះជាច្រើននាក់ត្រូវបាននគរបាលចាប់ឃាត់ខ្លួនយកទៅអប់រំ ខណៈប្តីឱ្យនៅចាំផ្ទះមើលកូនៗ និងចេះសន្សំលុយកាក់ទុកសម្រាប់ផ្គត់ផ្គង់ក្រុមជីវភាពគ្រួសារ បែរជានាំគ្នាអង្គុយលេងល្បែងក៏ត្រូវនគរបាលចូលចាប់ឃាត់ខ្លួនតែម្តង ។ ហេតុការណ៍ចាប់ឃាត់ខ្លួននេះបានធ្វើឡើងវេលាម៉ោង៣រសៀលថ្ងៃទី២៣ ខែសីហា ឆ្នាំ២០១៧ នៅក្នុងចំណុចចំការតាង៉ែន ស្ថិតនៅក្នុងភូមិបតាំងស៊ូ សង្កាត់បយ៉ាខា ក្រុងប៉ៃលិន ខេត្តប៉ៃលិន ។
ប្រភពព័ត៌មានបានឱ្យដឹងថា ក្រុមស្ត្រីញៀននឹងល្បែងដែលនគរបាលធ្វើការបង្ក្រាបឃាត់ខ្លួនមានចំនួន៦នាក់ ទី១-ឈ្មោះ រ.ន.អ អាយុ៥៥ឆ្នាំ, ទី២-ឈ្មោះ ប.រ អាយុ៤៦ឆ្នាំ, ទី៣-ឈ្មោះ ម.ស អាយុ៣៦ឆ្នាំ, ទី៤-ឈ្មោះ ហ.ស អាយុ៣៩ឆ្នាំ, ទី៥-ឈ្មោះ ច.ល អាយុ៣០ឆ្នាំ និងទី៦-ឈ្មោះ អ.ហ អាយុ៣២ឆ្នាំ ទាំងអស់គ្នារស់នៅក្នុងភូមិខាងលើដោយនាំគ្នាទៅសម្ងំលេងល្បែងបៀរនៅក្នុងចំការតាង៉ែនលាក់មុខពីសមត្ថកិច្ចនគរបាល ។
ប្រភពបន្តទៀតថា មុនពេលធ្វើការបង្ក្រាបចាប់ស្ត្រីញៀននឹងល្បែងខាងលើនគរបាលទទួលបានសេចក្តីរាយការណ៍ពីប្រជាពលរដ្ឋនៅក្នុងភូមិដោយឃើញពួកគេនាំគ្នាលេងអស់រយៈពេលជាយូរមកហើយ ក៏រំខានដល់ការសម្រាករបស់ជិតខាងផងដែរ ព្រោះពេលលេងឈ្នះម្តងៗតែងតែស្រែក ហ៊ោកញ្ជ្រៀវ រកតែដេកពួនមិនបាននោះឡើយ ជាពិសេសក្មេងតូចៗ និងមនុស្សចាស់ផងដែរ ។ ចំណែកអ្នកខ្លះទៀតសប្បាយរីករាយដោយឃើញសមត្ថកិច្ចចាប់ពួកគេយកទៅអប់រំ ព្រោះប្តីខិតខំប្រឹងប្រែងរកលុយកាក់ពីក្នុងព្រៃយ៉ាងត្រដាបត្រដួស បែរជាប្រពន្ធរបស់ខ្លួនយកទៅលេងល្បែងបំផ្លាញ អស់រលីង ហើយអ្នកខ្លះទៀត ពេលលេងចាញ់អស់លុយទិញម្ហូបអាហារ ក៏ត្រូវប្តីជេរ និងវាយ បង្កឱ្យ បញ្ហាហិង្សាក្នុងគ្រួសារជាញឹកញាប់ ៕
ចែករំលែកព័តមាននេះ