ក្នុងមួយថ្ងៃៗបុរសជាប្ដីតែងតែខំបំពេញ ការងារអស់កម្លាំងចិត្ដនិងកម្លាំងកាយក្រោមកំដៅព្រះអាទិត្យបែកញើសហូររហាមនៅឯចំការ ឬនៅការិយាល័យរដ្ឋ-ឯកជន ដើម្បី យកប្រាក់មកចិញ្ចឹមគ្រួសារ ហេតុនេះប្រពន្ធ នៅឯផ្ទះគួរណាស់គិតអាណិតអាសូរដល់ប្ដី ត្រូវចេះចូលរួមខិតខំធ្វើការនៅក្នុងផ្ទះ ឬ បើថាទៅធ្វើការនៅឯការិយាល័យរដ្ឋ-ឯក ជនខាងក្រៅក្ដីក៏មិនត្រូវភ្លេចភាពជាមេផ្ទះ ដែរ គឺត្រូវរៀបរយ និងបំពេញករណីយកិច្ច ចំពោះប្ដី និងគ្រួសារឱ្យបានសមរម្យ ។ មុន នឹងចាយវាយអ្វីមួយត្រូវគិតពិចារណាពិគ្រោះនឹងប្ដីសិនកុំចាយតាមចំណង់ ។
ស្ដ្រីខ្លះក្នុងមួយថ្ងៃៗគិតតែចាយវាយខ្ជះ ខ្ជាយ បរិភោគចំណីអាហារណាឆ្ងាញ់ៗតែ ម្នាក់ឯង ដោយគ្មាននឹកនាដល់ប្ដីដែលខំរក ប្រាក់នៅខាងក្រៅសោះ ។ យើងជាស្ដ្រីមិន ត្រូវហ៊ឺហាសប្បាយតែម្នាក់ឯង ដោយគ្មាន យល់ដឹងដល់កម្លាំងរបស់ប្ដីនោះទេ ចូរនាងកុំ គិតថា អាងតែខ្លួនជាប្រពន្ធគេ ត្រូវតែប្ដីរក ប្រាក់មកចិញ្ចឹមខ្លួនឱ្យសប្បាយនោះ បើប្ដី ចេញទៅធ្វើការនៅខាងក្រៅ ខ្លួនយើងជា ស្ដ្រីត្រូវចេះបំពេញកិច្ចការនៅក្នុងផ្ទះឱ្យបានស្អាត ចេះជួយសន្សំប្រាក់ប្ដី កុំខ្ជីខ្ជា ទើបមាន សុភមង្គល និងសេចក្ដីថ្លៃថ្នូរ ។ ទោះជាប្ដី រហេមរហាមយ៉ាងណា ក៏អ្នកនាងមិនត្រូវ ប្រមាថមើលងាយប្ដីដែរ ហើយបើនាងមិន រវីរវល់គិតដល់ប្ដីនោះ មានន័យថា នាងចង់ សម្លាប់ប្ដី លើសពីនេះទៀត អ្នកផងគេនឹង សើចពេបជ្រាយនូវគំនិតដ៏អាក្រក់របស់នាង ដែលគិតតែប្រយោជន៍ផ្ទាល់ខ្លួន ។ ការ ប្រព្រឹត្ដបែបនេះគេហៅថា ស្រីខាតលក្ខណ៍ ទីបំផុតសុភមង្គលមិនអាចកើតមានឡើយគឺ កើតមានតែការបែកបាក់គ្នាប៉ុណ្ណោះ ។
បើអ្នកនាងមិនបានជួយរកផ្សំនូវអំពើល្អណាមួយ សូមអ្នកនាងកុំធ្វើឱ្យប្ដីរកាំរកូសផ្លូវ ចិត្ដឱ្យសោះ បើនាងចេះស្រឡាញ់ប្ដី អាណិត ប្ដី គួរណាស់តែអ្នកនាងគិតពីកម្លាំងប្ដីផង ចាយវាយឱ្យមានសណ្ដាប់ធ្នាប់…ចេះគោរព លើកកំពស់កិត្ដិយសប្ដី ចេះជួយការងារប្ដី មិន ត្រូវស្ពឹកស្រពន់ត្រូវតែរវាសរវៃ យល់ដឹងរាក់ ជ្រៅក្នុងសង្គម ទើបភាពចំរុងចំរើន សិរីសួស្ដី កើតឡើង និងមានមុខមានមាត់ដល់គ្រួសារ អ្នកជិតខាងកោតសរសើរយកគំរូតាម ។ បុរសណាបានជួបប្រទះប្រពន្ធដែលគិតតែ ចាយវាយគ្មានគិតកម្លាំងប្ដី មិនលើកមុខ និង ជួយប្ដី មុខជារងទុក្ខវេទនាអស់មួយជីវិត ទោះបីប្ដីខំរកទាំងយប់ទាំងថ្ងៃយ៉ាងណាក៏មិនឈ្នះនឹងប្រពន្ធដែលចាយគ្មានពិចារណានោះ ដែរ ហើយថែមទាំងមិនមានកិត្ដិយសក្នុង សង្គមទៀតផង ។
ការលើកទឹកចិត្ដដល់ប្ដីម្យ៉ាងទៀតគឺពេលប្ដីមកពីធ្វើការវិញ ត្រូវចេះយកចិត្ដទុកដាក់ ជាមួយប្ដីដូចជាសួរថា បងថ្ងៃនេះហត់នឿយទេ? មានកិច្ចការអ្វីឱ្យខ្ញុំជួយទេ? និយាយ បណ្ដើរជួយដោះអាវឱ្យប្ដីបណ្ដើរ បន្ទាប់មក យកទឹកឱ្យប្ដីពិសា រៀបចំកន្លែងឱ្យប្ដីអង្គុយ ឱ្យស្រួលបួល ហាមកូនកុំឱ្យស្រែកយំ ឬស្រែក ឡូឡា ព្រោះប្ដីដែលទើបមកពីធ្វើការហត់ នឿយមានអារម្មណ៍ស្មុគស្មាញណាស់ មិនចង់ ឮសំឡេងរំខានទេ ។ រៀបបាយឱ្យប្ដីនៅ ជជែកជាមួយប្ដីកុំដើរទៅណាឱ្យសោះ… ការ នៅក្បែរប្ដី និងរៀបចំសណ្ដាប់ធ្នាប់ក្នុងផ្ទះ គឺ ជាការលើកកម្លាំងចិត្ដដល់ប្ដីធ្វើឱ្យប្ដីជ្រះថ្លា ក្នុងអារម្មណ៍ខិតខំធ្វើការដើម្បីគ្រួសារបានល្អប្រសើរកាន់តែខ្លាំង ៕
ចែករំលែកព័តមាននេះ