ខេត្តកំពង់ចាម ៖ ប្រជាពលរដ្ឋប្រមាណជាង៣០០នាក់ មកពីភូមិស្វាយពក ភូមិស្រះព្រីង និងភូមិបាធាយ ឃុំបាធាយ បាននាំគ្នាតវ៉ាសុំឱ្យបញ្ចុះតម្លៃអគ្គិសនីពីតម្លៃ៣.១០០រៀលក្នុង១គីឡូវ៉ាត់ មកត្រឹម១.៨០០រៀល ។ ការប្រមូលផ្តុំគ្នាតវ៉ានេះធ្វើឡើងនៅមុខសាលាស្រុកបាធាយ កាលពីវេលាម៉ោង៩និង៣០ព្រឹកថ្ងៃទី១៨ មិថុនា ២០១២ ។
ខេត្តកំពង់ចាម ៖ ប្រជាពលរដ្ឋប្រមាណជាង៣០០នាក់ មកពីភូមិស្វាយពក ភូមិស្រះព្រីង និងភូមិបាធាយ ឃុំបាធាយ បាននាំគ្នាតវ៉ាសុំឱ្យបញ្ចុះតម្លៃអគ្គិសនីពីតម្លៃ៣.១០០រៀលក្នុង១គីឡូវ៉ាត់ មកត្រឹម១.៨០០រៀល ។ ការប្រមូលផ្តុំគ្នាតវ៉ានេះធ្វើឡើងនៅមុខសាលាស្រុកបាធាយ កាលពីវេលាម៉ោង៩និង៣០ព្រឹកថ្ងៃទី១៨ មិថុនា ២០១២ ។
គួររំលឹកថា ការតវ៉ាធ្វើឡើងកាលពីពីវេលាម៉ោង៧និង៣០នាទីយប់ថ្ងៃទី១៧ មិថុនា ម្តងរួចមក ហើយដោយមានប្រជាពលរដ្ឋចូលរួមប្រមាណ៥០០នាក់ នៅខាងមុខរោងម៉ាស៊ីនរបស់លោកឃុន សុផល ដោយមានទាំងការដុតអុស និងបង្កឱ្យមានការកកស្ទះចរាចរណ៍ ប្រហែល២ម៉ោងផងដែរ ។ តែក្រោយពីមានការសន្យាពីម្ចាស់អគ្គិសនី ទើបប្រជាពលរដ្ឋផ្អាកការតវ៉ា ។ លុះព្រឹកថ្ងៃទី១៨ មិថុនា នេះ ប្រជាពលរដ្ឋបាននាំគ្នាមកសាលាស្រុក ដើម្បីរង់ចាំដំណោះស្រាយដែលម្ចាស់អគ្គិសនីបានសន្យាកាលពីម្សិលមិញ។ រហូតមកដល់ពេលនេះដំណោះស្រាយយ៉ាងណានៅមិនទាន់ដឹងនៅឡើយទេ ព្រោះតំណាងប្រជាពលរដ្ឋ ម្ចាស់អគ្គីសនី និងអាជ្ញាធរកំពុងចរចាគ្នា ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ