ប្រភពព័ត៌មានតុលាការរាយការណ៍ថា ជនសកម្មប្រយុទ្ធ៣នាក់ត្រូវចាប់ខ្លួនពីបទភេរវកម្មគ្រោងវាយប្រហារប្រឆាំងទីចាត់ការឃោសនាបោះឆ្នោតរបស់ប្រធានាធិបតីអាមេរិកលោកបារ៉ាក់ អូបាម៉ា ក្នុងទីក្រុងស៊ីកាហ្គោ ខណៈពេលបាតុកម្មនានាត្រូវបានរៀបចំធ្វើនៅខាងក្រៅកិច្ចប្រជុំកំពូលអូតង់នាថ្ងៃទី២០និង២១ឧសភា នៅទីក្រុងស៊ីកាហ្គោនោះ ។
ប្រភពព័ត៌មានតុលាការរាយការណ៍ថា ជនសកម្មប្រយុទ្ធ៣នាក់ត្រូវចាប់ខ្លួនពីបទភេរវកម្មគ្រោងវាយប្រហារប្រឆាំងទីចាត់ការឃោសនាបោះឆ្នោតរបស់ប្រធានាធិបតីអាមេរិកលោកបារ៉ាក់ អូបាម៉ា ក្នុងទីក្រុងស៊ីកាហ្គោ ខណៈពេលបាតុកម្មនានាត្រូវបានរៀបចំធ្វើនៅខាងក្រៅកិច្ចប្រជុំកំពូលអូតង់នាថ្ងៃទី២០និង២១ឧសភា នៅទីក្រុងស៊ីកាហ្គោនោះ ។
នៅមុខបណ្តាអ្នកកាសែត រដ្ឋអាជ្ញា លោកស្រីអានីតាអាល់វ៉ារេស គូសបញ្ជាក់កាលពីថ្ងៃទី១៩ ឧសភាថា មនុស្សដែលយើងចាប់ឃុំឃាំងទាំងនេះពុំមែនជាបាតុករដោយសន្តិវិធីឡើយ ។ ពួកគេជាភេរវករនៅក្នុងសហរដ្ឋអាមេរិកមកកាន់ទីក្រុងស៊ីកាហ្គោជាមួយទិសដៅបង្កភាពអនាធិបតេយ្យធ្វើឱ្យប៉ូលិសទាំងឡាយរបស់យើងត្រូវរបួស បំភិតបំភ័យពលរដ្ឋយើងហើយវាយប្រហារបណ្តាគោលដៅនយោបាយទាំងឡាយ។ លោកស្រីបន្តទៀតថា ក្នុងចំណោមគោលដៅរបស់ពួកគេមានទីចាត់ការឃោសនាបោះឆ្នោតរបស់លោកប្រធានាធិបតីបារ៉ាក់ អូបាម៉ា ឬគេហដ្ឋានរបស់អភិបាលក្រុងស៊ីកាហ្គោលោក RAHM EMANUEL ។
មេធាវីរបស់មនុស្សទាំង៣នាក់ដែលត្រូវចាប់ខ្លួនអះអាងថា កូនក្តីរបស់ពួកគេជាមនុស្សស្លូតត្រង់ ហើយការចាប់ខ្លួនពួកគេដោយសារការចោទប្រកាន់ប្រឌិតរបស់ប៉ូលិសដើម្បីសម្រាលចលនាតវ៉ា ។ មេធាវីម្នាក់លោកMICHAEL DEUTSHE និយាយថា គឺពួកប៉ូលិសដែលបានទិញសម្ភារៈ ហើយសាកល្បងហ្វឹកហ្វឺនអ្នកទាំងនេះក្នុងសកម្មភាពខុសច្បាប់នានា ។ ក៏ប៉ុន្តែរដ្ឋអាជ្ញានិងប៉ូលិសគូសបញ្ជាក់ថា មានភស្តុតាងជាច្រើនបង្ហាញថាពួកគេជាអ្នកអានាធិបតេយ្យដែលផលិតដបសាំងដុតហើយគ្រោងសាបព្រោះភាពចលាចលនៅខាងក្រៅកិច្ចប្រជុំកំពូលរបស់អូតង់ ៕
ចែករំលែកព័តមាននេះ