យោងតាមតុល្យការមួយថា មនុស្សយ៉ាងតិច៦០នាក់ ភាគច្រើនជាជនស៊ីវិលបានត្រូវស្លាប់ក្នុងការប៉ះទង្គិចគ្នានានារវាងកងកំលាំង សន្ដិសុខចាម៉ាអ៊ីក និងពួកក្រុមរត់ពន្ធគ្រឿងញៀននៅទីក្រុងគិញស្ដុន ។ ចំណែកប៉ូលិសចាម៉ាអ៊ីកវិញបញ្ជាក់ថា មនុស្ស២១១នាក់ ត្រូវចាប់ខ្លួន ។ ការប្រយុទ្ធគ្នានៅបន្ដ ជាពិសេសជុំវិញមន្ទីរពេទ្យមួយជាកន្លែងនាំជនរងគ្រោះទៅកាន់ទីនោះ ។ ការវាយលុកកាលពីថ្ងៃទី២៤ ឧសភា របស់កងកំលាំងសន្ដិសុខដើម្បីចាប់មេរត់ពន្ធគ្រឿងញៀននៅកណ្ដាលរដ្ឋធានីបណ្ដាលឱ្យមនុស្សស្លាប់២៦នាក់ និងរបួស២៥នាក់ ក្នុងចំណោមជនស៊ីវិល ។ មនុស្សមួយចំនួនទៀត ស្លាប់នៅកន្លែងផ្សេង ។ ខាងកងកំលាំងសន្ដិសុខវិញក្នុងការប៉ះទង្គិចគ្នាជាមួយក្រុមជនខិលខូចប្រដាប់អាវុធបានបាត់បង់មនុស្សម្នាក់ ហើយ៧នាក់ទៀតត្រូវរបួស ។
អំពើហិង្សាពេលនេះហាក់ដូចជារាលដាលក្នុងរដ្ឋធានីហួសពីសង្កាត់ TIVOLI GAR-DENS ទីតាំងរបស់មេរត់ពន្ធគ្រឿងញៀន CHRISTOPHER DUDUS COKE ដែលសហរដ្ឋអាមេរិកទាមទារឱ្យធ្វើបត្យាប័នពីបទរត់ពន្ធគ្រឿងញៀន ។ ប៉ូលិសបានចាប់ខ្លួន មនុស្ស២១១នាក់ ក្នុងនោះមាននារី៤នាក់ ៕
ចែករំលែកព័តមាននេះ