តាមទីភ្នាក់ងារព័ត៌មានរ៉យទ័រ ដោយយោង តាមរបាយការណ៍ស្រាវជ្រាវថ្មីបញ្ជាក់ថា បុរស ដែលមានបំណងចង់មានមន្ដស្នេហ៍ទាក់ទាញ ទឹកចិត្ដរបស់ស្ដ្រី គួរតុបតែងកាយដោយពាក់ អាវពណ៌ក្រហមដែលចាត់ទុកថាជាពណ៌អាច បង្កើនការទាក់ទាញទឹកចិត្ដភេទផ្ទុយបាន។របាយការណ៍ស្រាវជ្រាវខាងលើ បង្ហាញឱ្យ ដឹងថា ស្ដ្រីនៅសហរដ្ឋអាមេរិក អង់គ្លេស អាល្លឺម៉ង់ និងចិន រមែងយល់ស្របដូចគ្នាថា បុរសដែលពាក់អាវពណ៌ក្រហមនឹងធ្វើឱ្យ មានកំលាំងទាក់ទាញផ្លូវចិត្ដស្ដ្រីច្រើនជាង បុរសដែលអាវពណ៌ផ្សេងពីនេះ។
លោកអេនឌ្រូ អេលលៀត អ្នកឯកទេសមកពីមហាវិទ្យា ល័យ រ៉ូឆេស្ទ័រ មនុស្សម្នាក់ក្នុងចំណោមអ្នក ស្រាវជ្រាវបញ្ជាក់ថា សំរាប់ស្ដ្រីពណ៌ក្រហម សំដៅទៅលើពណ៌នៃភាពសិចស៊ី ឬពណ៌ដែល មានស្ថានភាពទាក់ទាញទឹកចិត្ដ។ លោកអេល លៀត បានបន្ដទៀតថា “យើងថែមទាំងរក ឃើញថា ទំនាក់ទំនងរវាងពណ៌និងអារម្មណ៍ ផ្នែកភេទនៅតែកើតឡើងលើទឹកចិត្ដរបស់បុរសដែរ ។ ប៉ុន្ដែសំរាប់ស្ដ្រីពណ៌នឹងបង្កើតភាពខុស ប្លែកយ៉ាងសំខាន់ដល់ការសំរេចចិត្ដរបស់ពួក គេច្រើនជាងបុរស” ។
ទោះបីជាបញ្ហាពណ៌មានអត្ថន័យប្រែ ប្រួលទៅតាមបរិបទផ្នែកវប្បធម៌ខុសប្លែកគ្នា ក៏ដោយ ប៉ុន្ដែការស្រាវជ្រាវខាងលើ បែរជា រកឃើញថា ការដែលស្ដ្រីងប់ងល់ទៅលើបុរស ពាក់អាវពណ៌ក្រហមនោះបានកើតឡើង ជានិច្ចកាលនៅក្នុងបណ្ដាប្រទេសជាច្រើន នៅទូទាំងសាកលលោក ។ ក្រៅពីនេះ ការងារ ស្រាវជ្រាវខាងលើបានឱ្យដឹងទៀតថា ការ ជ្រើសរើសយកពណ៌អាវសំរាប់តុបតែងកាយ នឹងធ្វើឱ្យបុរសមានឥរិយាបថប្រែប្រួលច្រើន ដូចជា ការជ្រើសរើសយកក្រណាត់ពណ៌ ក្រហមនឹងជួយឱ្យបុរសមានការជឿជាក់ក្នុង ការងារផ្នែកជំនួញកាន់តែខ្លាំង៕
ចែករំលែកព័តមាននេះ