រាជធានីភ្នំពេញ ៖ អគារសិក្សាសម្រាប់កុមារក្រីក្ររៀនសូត្រនៅក្នុងសហគមន៍ត្នោតជ្រុំ ៤ ស្ថិតនៅសង្កាត់បឹងទំពុន ខណ្ឌមានជ័យ ត្រូវបានសម្ពោធដាក់ឱ្យប្រើប្រាស់ជាផ្លូវការ កាលពីព្រឹកថ្ងៃទី២៧ មេសា ក្រោមអធិបតីភាពលោក គួច ចំរើន អភិបាលខណ្ឌមាន
រាជធានីភ្នំពេញ ៖ អគារសិក្សាសម្រាប់កុមារក្រីក្ររៀនសូត្រនៅក្នុងសហគមន៍ត្នោតជ្រុំ ៤ ស្ថិតនៅសង្កាត់បឹងទំពុន ខណ្ឌមានជ័យ ត្រូវបានសម្ពោធដាក់ឱ្យប្រើប្រាស់ជាផ្លូវការ កាលពីព្រឹកថ្ងៃទី២៧ មេសា ក្រោមអធិបតីភាពលោក គួច ចំរើន អភិបាលខណ្ឌមានជ័យ ។
អគារសិក្សាដែលត្រូវបានជួសជុលឡើងវិញហើយបើកសម្ពោធដាក់ឱ្យប្រើប្រាស់ខាងលើនេះ បានមកពីការឧបត្ថម្ភរបស់លោក ធីម និងលោកស្រី ថេរី សាថាយ និងអង្គការ PLG ជាម្ចាស់ជំនួយ ។
លោក ធីម និងលោកស្រី ថេរី សាថាយ បានមានប្រសាសន៍ថ្លែងអំណរគុណចំពោះវត្តមានរបស់លោក គួច ចំរើន អភិបាលខណ្ឌមាន ជ័យ ដែលបានផ្តល់កិតិ្តយសចូលរួមជាអធិបតីក្នុងពិធីសម្ពោធដាក់ឱ្យប្រើប្រាស់អគារសិក្សាដែលទើបនឹងជួសជុលរួចរាល់នាពេលនេះ ។ លោក ធីម និងលោកស្រី ថេរី សាថាយទាំងពីរ នាក់ប្តីប្រពន្ធបានបញ្ជាក់ថា ដោយសាររូបលោកបានមកកាន់ទីនេះ ហើយមានក្តីអាណិតអាសូរដល់កុមារក្រីក្រ ទើបរូបលោកធ្វើការបរិច្ចាគធនធានផ្ទាល់ខ្លួនជួយជួសជុលអគារសិក្សានេះ ដើម្បីបួសសួងសុំឱ្យព្រះជាម្ចាស់ជួយដល់ប្រជាពលរដ្ឋកម្ពុជា ជួបតែសេចក្តីសុខ និងរីកចម្រើន ។
លោក គួច ចំរើន អភិបាលខណ្ឌ បានមានប្រសាសន៍ថា ដោយបានការអនុញ្ញាតពីលោក កែប ជុតិមា អភិបាលរាជធានីភ្នំពេញ ទើបរូបលោកមានឱកាសបានមកចូលរួមសម្ពោធអគារសិក្សាសម្រាប់ក្មួយៗកុមាររស់នៅក្នុងសហគមន៍ត្នោតជ្រុំ៤ បានសិក្សារៀនសូត្រ ។ លោកបានថ្លែងអំណរគុណដល់លោកធីមនិងលោកស្រី ជាម្ចាស់ជំនួយដែលបានចំណាយធនធានផ្ទាល់ខ្លួនជួយជួសជុលអគារសិក្សានៅសហគមន៍ត្នោតជ្រុំ៤ សម្រាប់ក្មួយៗកុមារក្រីក្ររស់នៅជុំវិញបានសិក្សារៀនសូត្រ ។ សកម្មភាពដ៏សប្បុរសធម៌នេះ គឺជាការចូលរួមចំណែកកាត់បន្ថយភាពក្រីក្រជាមួយរាជរដ្ឋាភិបាលកម្ពុជា និងឆ្លើយតបទៅនឹងអនុសាសន៍ដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា គឺត្រូវបង្ខិតសាលារៀនឱ្យទៅជិតដល់ផ្ទះប្រជាពលរដ្ឋ ។
សូមរំលឹកថា កាលពីថ្ងៃទី២៦ មេសា លោកគួច ចំរើន ក៏បានចូលរួមពិនិត្យពិធីវះកាត់ភ្នែកជូនដល់ប្រជាពលរដ្ឋក្រីក្រ ចាស់ជរា ដោយឥតគិតថ្លៃ នៅមន្ទីរពេទ្យបង្អែកមានជ័យ ក្រោមជំនួយឧបត្ថម្ភរបស់ក្រុមគ្រូពេទ្យមកពីប្រទេសវៀតណាម ៕
ចែករំលែកព័តមាននេះ